web counter
LEXO PA REKLAMA!

SHKARKO APP

App Store
Google Play

Mashtroi një person dhe i mori 100 mijë euro/ Pranga të riut

25 Korrik 2025, 12:10, Kronika CNA

Mashtroi një person dhe i mori 100 mijë euro/ Pranga të riut

Policia e Tiranës ka arrestuar një 27-vjeçar, i cili ka mashtruar një shtetas duke i marrë 100 mijë euro.

Në pranga ka rënë S. R. (H), i shpallur në kërkim nga policia e Elbasanit pasi i ka marrë 100 mijë euro F. Rr. në bashkëpunim me tre persona të tjerë.

Gjithashtu një tjetër person është arrestuar për mashtrim.

A. O., 42 vjeç, u merrte personave deri në 400 mijë lekë parapagesa, duke i mashtruar se do t’u kryente punë me duralumin.

 

Njoftimi i policisë

 

Finalizohet nga Komisariati i Policisë Nr. 4, operacioni policor i koduar “Totali”.

I mori një shtetasi, nëpërmjet mashtrimit, 100 000 euro, ndalohet 27-vjeçari.

Mashtronte klientët, duke iu marrë para për punime të cilat nuk i kryente, ndalohet 42-vjeçari.

Si rezultat i kontrolleve të mbështetura te informacionet e siguruara në rrugë operative, për vendndodhjen e 2 shtetasve të shpallur në kërkim për llogari të Policisë së Tiranës dhe Elbasanit, u finalizua nga shërbimet e  Komisariatit të Policisë Nr. 4, operacioni “Totali”, në kuadër të të cilit u lokalizuan, u kapën dhe u vunë në pranga shtetasit:

-A. O., 42 vjeç, i cili u kap në zonën e quajtur “Xhamlliku”, pasi akuzohet se iu merrte shtetasve, 300 000-400 000 lekë parapagesa, duke i mashtruar se do të kryente për llogari të tyre, punime me duralumin;

-S. R. (H)., 27 vjeç, i cili u kap në zonën e quajtur “Allias”, pasi kërkohej nga Policia e Elbasanit, i akuzuar se më datë 31.04.2024, në bashkëpunim me 3 shtetas, nëpërmjet mashtrimit, i kanë marrë 100 000 euro, shtetasit F. Rr.

Materialet procedurale iu referuan Prokurorisë së Tiranës, për veprime të mëtejshme./ CNA





Lajmet e fundit nga