E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kërcënonin një familje që t’u jepnin pasurinë/ Në pranga dy persona në Tiranë

4 Mars 2023, 13:50, Kronika CNA

Kërcënonin një familje që t’u jepnin pasurinë/

Dy persona janë arrestuar në Tiranë pasi kërcënonin dhe shantazhonin familjen e një 34-vjeçari për t’i zhvatur shuma parash.

Në pranga ranë M. L, 23 vjeç dhe B.A, 33 vjeç, të dy banues në Tiranë për veprat penale "Shtrëngimi me anë të kanosjes ose dhunës për dhënien e pasurisë" kryer në bashkëpunim si dhe "Organizimi ose ushtrimi i veprimtarive të lojërave të fatit në kundërshtim me ligjin".

Njoftimi i plotë i policisë:

Tiranë Finalizohet nga Komisariati i Policisë Nr. 2, operacioni policor i koduar "Credit". Kanosën një shtetas dhe familjarët e tij, për dhënien e një shume parash, vihen në pranga 2 shtetas. Nga veprimet hetimore rezultoi se këta 2 shtetas organizonin edhe lotari të palejuara, me anë të 2 aparateve celulare, të cilët u sekuestruan në cilësinë e provës materiale. Shërbimet e Komisariatit të Policisë Nr. 2, në vijim të punës për parandalimin dhe goditjen e paligjshmërisë, pas kallëzimit të marrë nga një shtetas, për 2 persona që e shantazhonin dhe e kërcënonin për jetën, që t’u jepte një shumë parash, menjëherë kanë organizuar punën për kapjen e tyre.

Falë veprimeve profesionale nga specialistët për Hetimin e Krimeve të Komisariatit të Policisë Nr. 2, në kuadër të operacionit policor të koduar "Credit", është bërë lokalizimi dhe arrestimi në flagrancë i shtetasve: - M. L., 23 vjeç dhe B. A., 33 vjeç, banues në Tiranë, për veprat penale "Shtrëngimi me anë të kanosjes ose dhunës për dhënien e pasurisë", kryer në bashkëpunim, dhe "Organizimi ose ushtrimi i veprimtarive të lojërave të fatit në kundërshtim me ligjin". Gjatë veprimeve hetimore ka rezultuar se këta shtetas, në bashkëpunim me njëri-tjetrin, kanë kanosur për dhënie pasurie, një 34-vjeçar dhe familjarët e tij. Në vijim të veprimeve hetimore ka rezultuar se 2 të arrestuarit organizonin lotari të palejuara, me anë të aparateve të tyre celulare, të cilët u sekuestruan në cilësinë e provës materiale. Materialet i kaluan Prokurorisë, për veprime të mëtejshme procedurale./CNA.al