web counter
LEXO PA REKLAMA!

SHKARKO APP

App Store
Google Play

Kapet çanta me mina në Durrës/ Në kërkim porositësi

13 Shtator 2022, 13:21, Kronika CNA
Kapet çanta me mina në Durrës/ Në kërkim
Pamje nga operacioni

Policia e Durrësit ka arrestuar shtetasin F.D., banues në Manzë, pasi u kap teksa transportonte lëndë plasëse.

Atij iu sekuestruan 5 kallëpe lëndë plasëse C4 dhe 5 kapsolla. Lënda eksplozive iu gjet në çantë 44-vjeçarit.

Ndërkohë, policia është në kërkim të personit që do t’i blinte.

"Shërbimet e Komisariatit të Policisë Shijak, në bazë të informacioneve të marra në rrugë operative, se një shtetas transportonte lëndë eksplozive me qëllim tregtimin e tyre, organizuan dhe finalizuan operacionin policor të koduar 'Stacioni', në kuadër të të cilit u arrestua në flagrancë shtetasi:

-F. D., 44 vjeç, banues në Manzë, Durrës, për veprën penale 'Mbajtja pa leje dhe prodhimi i armëve, armëve shpërthyese dhe i municionit'.

44-vjeçari u kap në flagrancë në Maminas, kur sapo kishte zbritur nga një automjet i transportit publik.

Gjatë kontrollit të ushtruar në çantën e shpinës së të arrestuarit, shërbimet e Policisë gjetën dhe sekuestruan në cilësinë e provës materiale 5 kallëpë lënde plasëse C4 dhe 5 kapsolla detonatore.

Vijon puna, në bashkëpunim me Prokurorinë pranë Gjykatës së Rrethit Gjyqësor Durrës, për identifikimin dhe kapjen e personit që do të blinte lëndët plasëse, si dhe për zbardhjen dhe dokumentimin e plotë të veprimtarisë kriminale të shtetasit F. D.", njofton policia. / CNA.al





Lajmet e fundit nga