web counter
LEXO PA REKLAMA!

SHKARKO APP

E fundit!

x

Atentati në Shkodër/ Kërkimet për personin e tretë në makinën e viktimave

4 Nëntor 2024, 11:54, Kronika CNA

Atentati në Shkodër/ Kërkimet për personin e tretë

Detaje të reja janë zbardhur nga atentati në Dobraç të Shkodrës, ku mbetën të vrarë 4 persona, Hamza Lici, Arlind Bushati dhe një çift kalimtarësh.

Nga gjurmimi i kamerave të sigurisë u zbulua se makina e autorëve e ka ndjekur makinën që lëvizte Lici, Bushati dhe personi i tretë që dyshohet se mund të jetë Ibrahim Lici, nga unaza perëndimore e Shkodrës, lagjja "Kiras".

Makina "Range Rover Sport" është konfirmuar nga ekspertiza se është vjedhur në Durrës, e denoncuar nga pronarët më 17 prill të këtij viti.

Numri i shasisë është arritur të rikuperohet nga ekspertët. Hetimet janë përqendruar në këtë drejtim për të shkuar te hajdutët për t'i identifikuar.

Policia e Shkodrës akoma nuk e ka të konfirmuar se Ibrahim Lici ishte në makinë në momentin e atentatit, pasi rezultatet e analizave të materialeve biologjike nuk kanë mbërritur akoma, por dyshimet janë të forta për praninë e tij.

Kontrollet në disa klinika private kanë rezultuar pa sukses, pasi hetuesit dyshojnë se në këtë ngjarje Ibrahim Lici ka mbetur i plagosur dhe të ketë kërkuar ndihmë mjekësore.





Lajmet e fundit nga