web counter
LEXO PA REKLAMA!

SHKARKO APP

App Store
Google Play

E fundit!

x

I fiksuar pas videolojërave/ 10-vjeçari vret nënën e tij, pasi ajo refuzoi t'i blinte një palë kufje

30 Dhjetor 2022, 09:37, Kronika CNA
I fiksuar pas videolojërave/ 10-vjeçari vret nënën e tij,
Foto Ilustruese

Një djalë 10-vjeçar nga Wisconsin akuzohet se vrau nënën e tij, pasi ajo nuk e lejoi atë të blinte një kufje të shtrenjta.

Ai qëlloi nënë e tij Quiana Mann (44 vjeçe), në sy.

I fiksuar pas videolojërave/ 10-vjeçari vret nënën e tij,

Ngjarja e rëndë ndodhi më 21 nëntor, ku djali i mitur, pasi kishte qëlluar nënën kishte tentuar të fshihte armën dhe më pas i kishte treguar motrave se nëna e tyre kishte ndërruar jetë. Motrat menjëherë kishin telefonuar urgjencën.

Kur u mor në pyetje nga policia 10-vjeçari tha se ai ishte zemëruar me mamanë e tij për shkak se ajo e kishte zgjuar 30 minuta më herët nga gjumi, vetëm për shkak se ai ishte i mërzitur që ajo nuk e linte të blinte kufjet nga Amazon.

Një ditë pas vrasjes, ai hyri në llogarinë e nënës së tij të ndjerë në Amazon për të blerë gjithsesi kufjet.

Pas të shtënave, fëmija fillimisht i tha policisë se kishte qëlluar aksidentalisht nënën e tij. Ai u lejua të qëndronte në shtëpi me familjen e tij në atë moment. Megjithatë, të nesërmen, të afërmit telefonuan policinë me shqetësimin nëse 10-vjeçari po thoshte të vërtetën.  Dyshohet se më vonë fëmija i tha hallës së tij se "në të vërtetë kishte drejtuar armën drejt nënës së tij".

Anëtarët e familjes u thanë detektivëve se fëmija kishte një sjellje të pazakontë që kur ishte i vogël.

Në moshën katër vjeç, djali dyshohet se kishte mbajtur qenushin e tij nga bishti dhe e kishte rrotulluar derisa qeni kishte filluar të ulërinte." Ai gjithashtu dyshohet se ka vënë flakën shtëpisë.

Një anëtar i familjes u tha gjithashtu hetuesve se djali i vogël "ka pesë njerëz të ndryshëm imagjinarë që flasin me të". Këta persona imagjinarë përshkruhen si dy motra, një plakë dhe dy burra, thuhet në dëshminë e të afërmve.

Djali kohët e fundit mori një "diagnozë " nga një terapist, dhe e ëma kishte vendosur kamera sigurie në shtëpi, por ditën kur 10-vjeçari vrau nënën e tij kamerat ishin fikur.

“Ai gjithmonë ka thënë se dëgjon zëra”, tha gjyshja e fëmijës, Lueritha Mann, për The Daily Beast . "Ne u përpoqëm ta ndihmonim me të," i tha halla e tij . 

“Ne të gjithë u përpoqëm ta ndihmonim me të, sepse e dinim se ai kishte një sëmundje mendore."- thanë gjyshja dhe halla./CNA.al Burimi: People





Lajmet e fundit nga