web counter
LEXO PA REKLAMA!

SHKARKO APP

App Store
Google Play

E fundit!

x

E shkuara kriminale e Edmond Papës/ Zbardhet dëshmia e kunatës: Ai nuk ruhej, ja si e morëm vesh

28 Dhjetor 2022, 21:13, Kronika CNA

E shkuara kriminale e Edmond Papës/ Zbardhet dëshmia e kunatës:

Edmond Papa është nja nga personazhet, i dyshuar se është i përfshirë në botën e krimit, por që askush nuk e njihte deri sa u ekzekutua me 9 plumba në Tiranë, nga një vrasës (i dyshuar me pagesë), ende i paidentifikuar.

Në dokumentarin e paraqitur në programin “Shënjestër” nga Klodiana Lala, zbardhen detaje të reja lidhur me jetën e Papës.

Çfarë jete bënte ai në Greqi dhe si lidhej ai me dy ngjarjet kriminale që paraprinë dhe pasuan vrasjen e tij.

Ndonëse duket sikur ngjarjet janë të shkëputura në kohë, duket se kanë një emërues të përbashkët, pazaret e drogës.E me sa duket këto pazare janë prishur dhe aty kanë nisur mosdakortësitë, që janë përkthyer në një luftë mes grupesh a personash, mes Shqipërisë dhe Greqisë.

Me sa duket Edmond Papa kishte zhvilluar prej vitesh biznesin e tij kriminal, në fushën e lëndëve narkotike.

Ditën kur ndodhi ngjarja, policia gjatë kontrollit në vendngjarje, ka sekuatesruar rrobat e viktimës si edhe u përpiluan veprimet përkatëse teknike, biologjike dhe kimike për faktorët plotësues të qitjes.

Po ashtu u ushtrua edhe një kontroll në mjetin me targa AB 001 GG të viktimës, ku u gjetën dhe u sekuestruan dy aparatë celularë, një kuti syzesh boshe, dy receta mjekësore, një sasi vlerash monetare, një portofol me mbishkrimin ‘Dior’, tre karta me mbishkrimin CE, një mbishkrim ‘Blue Sky’, një kartë me mbishkrimin ‘Grand Casino Prestige Member’, një kartëvizitë me mbishkrimin e një spitali privat, leje drejtimi në emër të Edmond Papa, dy karta banke, si edhe një çantë e markës ‘Louis Vuitton’.

Nisur nga këto sende që iu gjetën viktimës, duket se ai bënte një jetë goxha të mirë, por asgjë nuk dihet me siguri për jetën e tij.

Sipas vëllait të viktimës, person i cili nuk mbante të njëjtin mbiemër s ii vëllai, tha se Edmond Papa nuk ruhej, ose të paktën është shprehur ashtu për të mos lënë të kuptohet asgjë nga e kaluara e Edmondit.

 “Edmondi nuk ruhej. Madje te ai nuk kam parë asnjë shqetësim. Por po kështu dua të deklaroj, se ai nuk ka pasur konflikte me askënd, që mund të çonin në dyshimet tona, lidhur mbi autorët e mundshëm të vrasjes së tij.”, tha vëllai i viktimës.

Të njëjtën gjë deklaroi edhe kunata e Edmondit, e cila ishte e para që mësoi për vrasjen.

Sipas saj lajmin e kishin mësuar nga pronari i lokalit.

“Më datë 16 Dhjetor 2022 rreth orës 10.00 në shtëpinë time ka ardhur vjehrra e cila quhet F. H së bashku me kunatin tim, i cili quhet Edmond Papa. Vjehrra jeton në Kurjan/ Fier, ndërsa kunati në Kurjan dhe në Sarandë. Ata kanë ardhur në Tiranë me automjetin e kunatit tim me targë AB 001 GG, pasi do të kryenin disa vizita mjekësore të vjehrrës.

Rreth orës 16.15, kunati më kërkoi që t’i jepja diçka për të ngrënë mamasë së tij, para se ta çonte për vizitë mjekësore. Unë isha duke i dhënë për të ngrënë vjehrrës, kur dëgjova të shtëna. Fillimisht mendova se mos ishin fishekzjarre. Më pas ra zilja e portës së jashtme. Ishte pronari i lokalit, i cili më tha të lajmëroja ambulancën pasi ishte plagosur Edmondi. Pasi mora ambulancën, mora automjetin e kunatit tim me targa AA 001 GG për ta dërguar në spital. Më pas erdhi policia dhe ambulanca. .”, tha shetasja me inicialet A. B., kunata e viktimës.

Të njëjtën gjë kanë deklaruar edhe të afërmit e tjerë, të cilët thanë se Edmondi nuk kishte ndonjë problem apo konflikt.

 “Nuk kam dijeni se cilët janë autorët. Edmondi lëvizte lirisht dhe nuk na kishte shprehur ndonjë shqetësim. Ai ishte i divorcuar dhe nuk kishte fëmijë. Ishte pronari i një biznesi në Sarandë. As Edmondi dhe as bashkëshorti im Kristo nuk kishin konflikte me ndonjë person.”, shtoi kunata e Papës.

Pavarësisht deklaratave të vëllait dhe kunatës së viktimës, policia ka dyshime se ky atentat ka ndodhur për shkak të pazareve të drogës.

Kjo është një nga pistat e mundeshme, duke marrë parasysh aktivitetin e Papës në Greqi, ku prej kohësh ishte skeduar si eksponent aktiv në fushën e lëndëve narkotike.

Tashmë policia shqiptare po bashkëpunon me policinë greke, pëer të zbardhur më tej çështjen.

Gjithsesi, siç raportoi edhe emisioni “Shënjestër”, bëhet fjalë për prishje pazaresh, ku kishte humbur një sasi prej 700 kilogramë kanabis dhe ky dyshohet të jetë dhe shkaku i prishjes së marrëveshjes mes grupeve./CNA.al





Lajmet e fundit nga