web counter
LEXO PA REKLAMA!

SHKARKO APP

App Store
Google Play

E fundit!

x

Tentativa për grabitjen e bankës/ Gazetari: Autori kishte shkuar edhe dy ditë më parë për të parë sigurinë

12 Shkurt 2026, 21:56, Kronika CNA

Tentativa për grabitjen e bankës/ Gazetari: Autori kishte shkuar edhe

Gazetari Merin Maçi ka dhënë detaje lidhur me tentativën e grabitjes së një banke në zonën e ish-Parkut të Autobusëve në Tiranë.

Maçi ka treguar në “Opinion” se autori i grabitjes e kishte mirëmenduar çdo hap për shkak se kishte shkuar edhe dy ditë më parë në këtë bankë, ku sipas gazetarit ka studiuar kushtet e sigurisë.

“Kjo ngjarje ka qenë e mirëmenduar nga ana e tij pavarësisht se gjithçka ka shkuar keq, e mirëmenduar për vetë faktin se 58-vjeçari ka shkuar edhe dy ditë më parë në bankë, ka parë kushtet e sigurisë në këtë filial dhe ka sqaruar se kjo ka qenë banka që atij i ofronte mundësinë më të lehtë për t’u larguar nga vendngjarja, pavarësisht se ka qenë thuajse i ekspozuar në çdo kamerë, në çdo biznes. Mendohet se ngjarja është kryer në kushte të rënduara, pasi ai ka deklaruar se ka qenë në kushte të vështira prej disa muajsh dhe ai ka borxhe, për shkak të një sipërmarrjeje që ai ka. Është abuzuar me statusin e tij pasi nuk është një ndërtues i mirëfilltë, por ka patur një brigatë me të cilët bënte rikonstruksione banesash apo fasadash të ndryshme. Nënkontraktor. Ka deklaruar se ka patur një borxh prej 70 milionë lekësh të vjetra. Ka ardhur rreth orës 11:30 pikërisht në rrugën e Kavajës që lidhet me Urën e Vasil Shantos, ka parkuar makinën e tij tip Mercedes Benz C Class është drejtuar për tek banka dhe në momentet që ka hyrë ka shfaqur një sjellje tejet të qetë”, tha Maçi.

Ndër të tjera, gazetari tha se në momentin që është futur në ambientet e bankës, 58-vjeçari ka nxjerrë armën e zjarrit dhe ka qëlluar një herë në tokë. Maçi tha se ishte një nga punonjësit e bankës që kishte njoftuar policinë.

“Të frikësuar kanë hapur derën dhe ai ka arritur të marrë 950 mijë lekë, ose 9.5 milionë lekë të vjetra dhe teksa a qëndruar për rreth 2 minuta, një prej punonjësve të bankës ka njoftuar policinë. Jashtë e prisnin dy efektivë dhe ka dorëzuar dhe lekët dhe kallashnikovin dhe më pas ka rrëfyer gjithë problematikën që e kanë shtyrë drejt këtij veprimi”, u shpreh Maçi. /CNA





Lajmet e fundit nga