web counter
LEXO PA REKLAMA!

SHKARKO APP

App Store
Google Play

E fundit!

x

Vodhën para në 3 subjekte/ Arrestohet një person, në kërkim një tjetër

12 Shkurt 2026, 15:28, Kronika CNA

Vodhën para në 3 subjekte/ Arrestohet një person, në

Një person është arrestuar dhe një tjetër është shpallur në kërkim pasi akuzohen se kanë vjedhur para në 3 subjekte dhe tentuan të grabisnin dhe 2 subjekte të tjera.

Në pranga është vënë shtetasi J.C., 31 vjeç, ndërsa është proceduar penalisht babai i tij, pasi iu gjet një shkop gome si ato që përdor Policia.

Ndërkohë bëhet me dije se në kërkim është shpallur shtetasi Xh. A., 35 vjeç, banues në Vorë.

Njoftimi i policisë:

Vorë

Finalizohet nga Komisariati i Policisë Vorë, operacioni i koduar “Midnight”.

Vodhën shuma parash/produkte të ndryshme, në 3 subjekte, dhe tentuan të vidhnin në 2 subjekte të tjera, gjatë ditëve të fundit, identifikohen 2 shtetas.

Vihet në pranga njëri prej tyre, shpallet në kërkim tjetri.

Procedohet penalisht babai i të arrestuarit, pasi iu gjet një shkop gome si ato që përdor Policia.

Si rezultat i administrimit të shpejtë të disa kallëzimeve për vjedhje/tentativë për vjedhje, nga pronarët e disa subjekteve, shërbimet e Komisariatit të Policisë Vorë organizuan dhe finalizuan operacionin e koduar “Midnight”, për të identifikuar dhe nxjerrë përpara përgjegjësisë penale, autorët.

Në kuadër të operacionit u kap dhe vu në pranga shtetasi J. C., 31 vjeç, banues në Vorë dhe u shpall në kërkim shtetasi Xh. A., 35 vjeç, banues në Vorë.

Nga hetimet dyshohet se këta shtetas, gjatë muajit shkurt, kanë vjedhur shuma parash/produkte të ndryshme, në 3 subjekte, si dhe kanë tentuar të vjedhur në 2 subjekte të tjera, në Vorë. Punohet për zbardhjen e vjedhjeve e tjera që mund të ketë kryer këta shtetas.

Gjithashtu, u referuan materialet në Prokurori ku nisi procedimi penal për shtetasin E. C., 59 vjeç, banues në Vorë, babai i shtetasit J. C., pasi iu gjet një shkop gome si ato që përdor Policia, i cili u sekuestrua në cilësinë e provës materiale.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga