web counter
LEXO PA REKLAMA!

SHKARKO APP

App Store
Google Play

“Gati për zjarr luftarak, gjakos, të godasin fort”/ Zbardhet audio-regjistrimi i komunikimit të Gardës me 21 janar

2 Mars 2023, 13:03, Kronika CNA

“Gati për zjarr luftarak, gjakos, të godasin fort”/

Gazetari Artan Hoxha ka publikuar një audio-regjistrim, duke hedhur dritë mbi ngjarjen tragjike të 21 janarit, ku mbetën të vrarë katër persona.

Komunikimet e Ndrea Prendit, komandatit të Gardës në vitin 2011, me efektivë të kësaj njësie, janë prova më e re, që tregon se si erdhi deri tek ekzekutimi i katër personave në bulevard.

Prendi dëgjohet të japë urdhër për zjarr dhe gjakosje, nëse protestuesit do hynin në rrethimin e kryeministrisë.

Madje, Prendi kërkon edhe municione rezervë.

Më poshtë po sjellim tekstin e komunikimit të Ndrea Prendit me gardistët, ditën e 21 janarit 2011, së bashku me audio-përgjimin e siguruar nga gazetari Artan Hoxha.

Audio-regjistrimi i komunikimit të Gardës:

Ndrea Prendi: Dashamir, gati për zjarr luftarak.

Dashamir Shehi, komandant i njësisë numër 2 të Gardës: Po ju kuptova, gati janë të gjithë luanët.

Ndrea Prendi, komandanti i Gardës: Nëse do të hyjnë brenda, do të hapet zjarr luftarak, për t’i asgjësuar.

Dashamir Shehi: Ju kuptova.

Ndrea Pendi: Dashamir më dëgjon? Mos qëlloni me luftarak akoma. Në ajër, në ajër, zjarr manovër në ajër.

Ndrea Pendi: Dashamir ku je?

Dashamir Shehi: Këtu jam.

Ndrea Pendi: Bëju thirrje nga altoparlanti, u kalua kufiri, do hapet zjarr luftarak.

Dashamir Shehi flet me altoporlant: Lagohuni, largohuni nga hyrja. Largohuni nga kordonet e sigurisë. Do zbatojmë ligjin.

Ndrea Prendi: Të mbahen gati armët për zjarr. Të mbahet armët në dorë, gati për zjarr në ajër, pastaj kur të them unë në trup.

Ndrea Prendi: Artan më dëgjon.

Artan Hoxha: Dëgjoj, dëgjoj.

Ndrea Prendi: Me të kaluar gardhi i telave do të hapet zjarr luftarak.

Ndrea Prendi: Ky është urdhri.

Artan Hoxha: Kuptova, kuptova.

Ndrea Prendi: Dashamir më dëgjon? Dy efektivë të njësisë speciale ta, “ta ta” gjakos. (menjëherë dëgjohen krisma)

Ndrea Prendi: Alfred mos qëlloni!

Ndrea Prendi: Kujdes municionin..

Ndrea  Prendi: Alfred më dëgjoni?

Alfred Ahmetcenaj: Po ju dëgjoj.

Ndrea Prendi: Dy dyshe, dy dyshe, të godasin këta që janë te porta. T’i godasin, t’i godasin fort.

Ndrea Prendi: Ata që kalojnë gardhin të goditen me shkop gome.

Alfred Ahmetcenaj: Po, po kuptova.

Ndrea Prendi: Artan, Dashamir?

Dashamir Shehi: Dëgjoj.

Ndrea Prendi: Na sillni municione rezervë.





Lajmet e fundit nga