web counter
LEXO PA REKLAMA!

SHKARKO APP

App Store
Google Play

E fshehu në bagazhin e makinës për të kaluar kufirin/ Arrestohet shoferi, procedohet 20-vjeçari

5 Janar 2025, 16:52, Kronika CNA

E fshehu në bagazhin e makinës për të kaluar kufirin/

Policia e Korçës ka arrestuar ditën e sotme një 25-vjeçar i cili kishte fshehur në bagazhin e automjetit një 20-vjeçar, që po e ndihmonte për të kaluar kufirin në mëjnyrë të paligjshme.

I riu që ishte fshehur në bagazh u procedua penalisht nga policia.

Njofti i Policisë:

Tentoi ta ndihmonte për të kaluar kufirin në mënyrë të paligjshme, duke e fshehur në bagazhin e automjetit, Policia vuri në pranga drejtuesin e automjetit dhe procedoi në gjendje të lirë një 20-vjeçar, që ishte fshehur në bagazhin e automjetit.

Sekuestrohet një automjet dhe 2 aparat celular.

Shërbimet e Drejtorisë Vendore për Kufirin dhe Migracionin Korçë krahas masave për përballimin e fluksit me qëllim eliminimin e radhëve kanë intensifikuar kontrollet në pikat e kalimit dhe në kufirin e gjelbër me qëllim parandalimin dhe goditjen e krimeve ndërkufitare dhe kapjen e personave që shkelin ligjin.

Në këtë kuadër shërbimet e Policisë Kufitare në PKK Qafë Thanë, në dalje kaluan për kontroll në vijën e dytë automjetin tip "BMW", që drejtohej nga shtetasi M. Ç. 25 vjeç, ku gjatë kontrollit, në bagazhin e këtij mjeti u gjet i fshehur shtetasi A. B., 20., i cili tentoi të kalonte kufirin në mënyrë të paligjshme,duke u fshehur në bagazhin e këtij automjetit.

Në përfundim të veprimeve hetimore u krye arrestimi në flagrancë i shtetasit M. Ç., 25 vjeç, banues në Prenjas, për veprën penale "Ndihma për kalimin të paligjshëm të kufijve", dhe u procedua në gjendje të lirë shtetasi A. B., 20 vjeç, banues në Prenjas, për veprën penale "Kalim i paligjshëm i kufirit shtetëror".

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprimeve të mëtejshme./CNA





Lajmet e fundit nga