web counter
LEXO PA REKLAMA!

SHKARKO APP

App Store
Google Play

E fundit!

x

I dënuar me burg të përjetshëm/ Arrestohet në Athinë Jani Alia

3 Janar 2025, 10:58, Kronika CNA

I dënuar me burg të përjetshëm/ Arrestohet në

47-vjeçari Jani Aliaj, i dënuar me burg të përjetshëm, është arrestuar në Athinë.

Interpol Tirana, në koordinim me Interpol Athinën, po vijon procedurat për ekstradimin e tij drejt Shqipërisë.

Jani Aliaj ka lindur në Tepelenë dhe u dënua me burg të përjetshëm për vrasjen e bujshme në 1 maj të vitit 2016 në Tiranë, ku u vra Elton Çiço në lokalin “De Niro" në zonën e ish-Bllokut.

Njoftimi i Policisë:

Operacion i përbashkët ndërkombëtar për kapjen e të kërkuarve të shpallur në kërkim ndërkombëtar.

Finalizohet operacioni i koduar “IN TIME” në bashkëpunim me Policinë Greke.

Në Athinë kapet dhe vihet në pranga i shumëkërkuari Jani Alia, 47 vjeç, i dënuar me burgim të përjetshëm.

Departamenti i Policisë Kriminale, pas punës gjurmuese dhe sigurimit të informacionit, identifikoi vendndodhjen e Jani Alia, i cili fshihej në Athinë. Falë bashkëpunimit të ngushtë dhe shkëmbimit të informacionit mes Policisë së Shtetit dhe autoriteteve greke, Policia Greke finalizoi operacionin “IN TIME”, duke arrestuar këtë shtetas.

Interpol Tirana, në koordinim me Interpol Athinën, po vijon procedurat për ekstradimin e tij drejt Shqipërisë.

Policia e Shtetit mbetet e angazhuar për të çuar përpara bashkëpunimin ndërkombëtar në luftën kundër krimit të organizuar dhe për kapjen e personave të shpallur në kërkim./CNA





Lajmet e fundit nga