web counter
LEXO PA REKLAMA!

SHKARKO APP

App Store
Google Play

Arrestohet 31-vjeçari për pastrim parash/ I sekuestrohen apartamenti dhe tri makina

4 Dhjetor 2024, 09:26, Kronika CNA

Arrestohet 31-vjeçari për pastrim parash/ I sekuestrohen apartamenti

Arrestohet një 31-vjeçar në Elbasan ndaj të cilit është caktuar masa e sigurisë "Arrest në burg" për "Pastrim të produkteve të veprës penale ose veprimtarisë kriminale".

Sipas njoftimit të policisë, 31-vjeçari ka qenë i arrestuar më herët në Itali për pjesëmarrje në organizatë kriminale për shfrytëzim prostitucioni.

Policia sekuestroi 1 apartament në Durrës dhe 3 automjete, të cilat dyshohet se janë përftuar nga veprimtari kriminale. 

Njoftimi i Policisë:

Në kuadër të një procedimi për gjurmimin, lokalizimin dhe sekuestrimin e pasurive që rrjedhin nga veprimtaritë kriminale, specialistët e Seksionit për Hetimin e Krimeve Ekonomike dhe Financiare, në bashkëpunim me Prokurorinë e Elbasanit, kanë organizuar dhe finalizuar operacionin policor të koduar "Resource".

Si rezultat i operacionit, në bashkëpunim me shërbimet e Forcës së Posaçme Operacionale, u kap dhe u ndalua shtetasi M. A., 31 vjeç, banues në Elbasan, të cilit Gjykata e Shkallës së Parë e Juridiksionit të Përgjithshëm Elbasan, me vendimin e datës 01.12.2024, i ka caktuar masën e sigurisë "Arrest në burg", për veprën penale "Pastrimi i produkteve të veprës penale ose veprimtarisë kriminale".

Gjithashtu, u bë sekuestrimi i pasurive me vlerë rreth 136 000 euro (1 apartament në Durrës dhe 3 automjete), të cilat dyshohet se e kanë burimin nga veprimtaritë kriminale të këtij shtetasi.

31-vjeçari ka qenë i arrestuar më parë në Itali, për pjesëmarrje në organizatë kriminale për shfrytëzim prostitucioni.

Materialet procedurale i kaluan Prokurorisë, për veprime të mëtejshme./CNA





Lajmet e fundit nga