web counter
LEXO PA REKLAMA!

SHKARKO APP

App Store
Google Play

E fundit!

x

Karamuço: “Matrix” përdorej edhe nga kriminelët shqiptarë, do shkaktojë tërmet

3 Dhjetor 2024, 21:57, Kronika CNA
Karamuço: “Matrix” përdorej edhe nga kriminelët
Eksperti i kriminalistikës, Ervin Karamuço

Eksperti i kriminalistikës, Ervin Karamuço, foli për aplikacionin “Matrix”, të cilin e përdornin për komunikime grupet kriminale.

Karamuço tha në emisionin e Erla Mëhillit se aplikacioni është përdorur dhe nga grupet kriminale shqiptare, kryesisht nga vrasës me pagesë.

“Vrasësit me pagesë e përdornin shumë sepse aty bisedonin të gjitha teknikalitetet, se si duhej të bëhej ekzekutimi, mënyrat e vrasjes, pikat e takimit dhe çdo element dhe detaj mbi porosinë e vrasjes”, u shpreh ai.

Eksperti i kriminalistikës deklaroi se thyerja e “Matrix”-it do të shkaktojë një tjetër tërmet me ngjarjet që do të zbardhen.

“Sigurisht do duhet kohë që të ndahen folderat për shtetet përkatëse. Nga thyerja e ‘Matrix’ do të zbulohen mesazhe që lidhen me krime të rënda, si trafiku ndërkombëtar i drogës, trafiku i armëve dhe pastrimi i parave.

Thyerja e ‘Matrix’ do të shkaktojë një tjetër tërmet sepse do të ketë informacione që do të trondisin shumë persona sepse do flasim për ngjarje të tmerrshme që kanë ndodhur në Shqipëri, për mënyrën si janë vrarë njerëzit, për mënyrën si janë zhdukur njerëzit ose si janë gjymtuar para se të zhdukeshin”, theksoi Karamuço./ CNA





Lajmet e fundit nga