Arrestimet në Rinas/ Zbardhen detaje nga dosja hetimore, komunikimet mes efektivëve dhe sekserit

4 Qershor 2024, 10:19, Kronika CNA

Arrestimet në Rinas/ Zbardhen detaje nga dosja hetimore, komunikimet mes

Foto nga arrestimi

Detaje të reja dalin nga dosja hetimore për aksionin në aeroportin e Rinasit, ku u dha masa sigurie për8 efektivë policie, një person u shpall në kërkim. Ndërkohë 8 persona të tjerë janë në hetim në gjendje të lirë.

Operacioni u raportua fillimisht nga CNA ditën e diel, për një operacion të përbashkët mes Agjencisë së Mbikëqyrjes Policore dhe Policisë së Shtetit për aktivitet kriminal të uniformave blu në bashkëpunim.

Në dosje janë të zbardhura edhe komunikimet mes efektivit Briken Tereziu dhe sekserit Eneo Sulejmanit.

Pjesë nga dosja hetimore:

Nga kqyrja e komunikimit telefonik në aplikacionin signal, rezulton se më datë 10.04.2023, nga ora 09:16 AM – 09:50, shtetasi Eneo Sulejmanaj komunikon me punonjësin e policisë Briken Tereziu e konkretisht;Eneo: Je në punë sot?

Brikeni: Po

Eneo: Kemi një goc sot për Bari(dhe i dërgon foton e pasaportës fotografinë e pasaportës së shtetases Elisabeta Kazanxhiiu)

Brikeni: Ca ka kjo ditë?

Neneo: Po vlla. Ka nejt shumë. Po tani po ja shof pasap po ti coj me foto vulat

Brikeni: Te 4 thuji. Për Bari ca ore

Eneo: 11:15 me Wizz. Po ngjiten vlla shif e futja një vile

Brikeni: Ok

Nga kqyrja e sistemit TIMS rezulton se kjo shtetase është përpunuar në dalje të territorit të RSH në të njëjtën datë (10.04.2023 ora 10:02 AM) nga punonjësi i policisë me username në TIMS XhikaS, (Referuar të dhënave të sistemit TIMS shtetasja ka tejkaluar ditët e qëndrimit në vendet shengen, pasi është larguar më datë 24.03.2018 dhe ka hyrë në Shqipëri më datë 18.03.2023)

Dt.11.04.2023 ora 12.12 PM Pass Elion Raxha dtl.17.04.1987 nr. personal I7******;

Nga kqyrja e komunikimit telefonik në aplikacionin whatsup, rezulton se më datë 11.04.2023, nga ora 12:12 PM – 12:19PM, shtetasi Eneo Sulejmanaj komunikon me punonjësin e policisë Briken tereziu e konkretisht;

Eneo: Është një shok për Budapest sot (I dërgon foto të pasaportës së shtetasit Elion Raxha)

Brikeni: Ok ma nis ta shof. Ok te 4 thui

Nga kqyrja e sistemit TIMS rezulton se ky shtetas është përpunuar në dalje të territorit të RSH në të njëjtën datë (11.04.2023 ora 13:12 PM) nga punonjësi i policisë me username në TIMS TereziuB (Briken Tereziu), në tejkalim të ditëve të qëndrimit./CNA