web counter
LEXO PA REKLAMA!

SHKARKO APP

App Store
Google Play

E fundit!

x

Apeli i GJKKO-së liron avokatin Alban Bengasi/ U akuzua se planifikoi të vriste ish-gruan e tij

27 Korrik 2024, 12:03, Kronika CNA

Apeli i GJKKO-së liron avokatin Alban Bengasi/ U akuzua se planifikoi

Apeli i GJKKO-së ka liruar nga qelia, avokatin Alban Bengasi. Ky i fundit dyshohej se do të paguante 120 mijë euro për vrasjen e ish-gruas së tij.

Vendimi I marë këtë të shtunë nga gjykata erdhi pas kërkesës së avokatit të tij, i cili kishte kërkuar shuarjen e masës së sigurimit “Arrest në burg” dhe gjyqtari i çështjes vendosi lirimin e tij nga qelia.

Në vendimin e gjykatës thuhet se: “Urdhërimin e lirimit të menjëhershëm të të pandehurit Z. A.B. nga ambjentet e paraburgimit, nëse liria e tij personale nuk kufizohet për një shkak tjetër ligjor”

Njoftimi i gjykatës:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtar Florjan Kalaja, sot më 27.07.2024, shpalli vendimin mbi çështjen penale nr. 173 akti, datë 25.07.2024 regjistrimi, mbi ankimin e paraqitur nga ankuesi A.B., me objekt: Kërkesë për shuarjen e masës së sigurimit “Arrest në burg”, dhe vendosi:

? Konstatimin e shuarjes së masës së sigurimit “Arrest në burg” të caktuar ndaj të pandehurit Z. A.B. me Vendimin nr. 42, datë 17.05.2022 dhe të verifikuar me Vendimin nr. 103, datë 08.09.2023 të Gjykatës së Posaçme të Shkallës së Parë për Korrupsionin dhe Krimin e Organizuar.

? Urdhërimin e lirimit të menjëhershëm të të pandehurit Z. A.B. nga ambjentet e paraburgimit, nëse liria e tij personale nuk kufizohet për një shkak tjetër ligjor.

? Kundër këtij vendimi mund të ushtrohet rekurs brenda 45 ditëve nga e nesërmja e njoftimit të arsyetuar të vendimit./ CNA





Lajmet e fundit nga