AMP zbardh identitetet e policëve të arrestuar/ Detajet nga aksioni në doganën e Kapshticës

8 Qershor 2025, 13:15, Kronika CNA

AMP zbardh identitetet e policëve të arrestuar/ Detajet nga aksioni

Agjencia e Mbikqyrjes Policore (Elbasan-Korçë) ka dalë me njoftimin zyrtar në lidhje me aksionin në doganën e Kapshticës.

AMP ka zbardhur dhe identitetet e 4 policëve të arrestuar si dhe detaje nga aksioni.

4 policët e arrestuar janë:

N / Komisar Y. D., me detyrë Përgjegjës Turni në Pikën e Kalimit Kufitar Kapshticë.

Inspektor F. B., me detyrë Specialist / Kontrollor në Pikën e Kalimit Kufitar Kapshticë.

Inspektor L. H., me detyrë Trupë Shërbimi në Pikën e Kalimit Kufitar Kapshticë.

Inspektor D. M., me detyrë Trupë Shërbimi / Kontrollor në dalje të Pikës së Kalimit Kufitar Kapshticë, i cili dyshohet edhe për kryerjen e veprës penale “Prodhimi dhe mbajtja e armëve shpërthyese dhe municioneve”.

Shtetasin V. B., banues në Vërdovë (Pogradec).

AMP arriti të dokumentojë me prova përfshirjen e punonjësve të policisë në trafikun ndërkombëtar të lëndës narkotike, të cilët me mosveprime dhe në shkelje të ligjit nuk kanë ushtruar kontroll ndaj mjetit me drejtues shtetasin V. B., ku ishte e fshehur një sasi e dyshuar lëndë narkotike “Heroinë”.

Në cilësinë e provës materiale janë sekuestruar 6 kg e 134 gr lëndë narkotike e dyshuar “Heroinë”, 5 aparate celularë, 256 fishekë (pistoletë model TT), 20 fishekë armë gjahu model 12 dhe një automjet.

"Agjencia e Mbikëqyrjes Policore (Rajoni Elbasan - Korçë) në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Korçë, ka arrestuar në flagrancë katër punonjës policie dhe një shtetas të dyshuar për kryerjen e veprës penale “Shpërdorim i detyrës”.

N / Komisar Y. D., me detyrë Përgjegjës Turni në Pikën e Kalimit Kufitar Kapshticë.

Inspektor F. B., me detyrë Specialist / Kontrollor në Pikën e Kalimit Kufitar Kapshticë.

Inspektor L. H., me detyrë Trupë Shërbimi në Pikën e Kalimit Kufitar Kapshticë.

Inspektor D. M., me detyrë Trupë Shërbimi / Kontrollor në dalje të Pikës së Kalimit Kufitar Kapshticë, i cili dyshohet edhe për kryerjen e veprës penale “Prodhimi dhe mbajtja e armëve shpërthyese dhe municioneve”.

Shtetasin V. B., banues në Vërdovë (Pogradec).

Në vijim të hetimeve dhe informacioneve të siguruara në rrugë operative u arrit të dokumentohej me prova përfshirja e punonjësve të policisë në trafikun ndërkombëtar të lëndës narkotike, të cilët me mosveprime dhe në shkelje të ligjit nuk kanë ushtruar kontroll ndaj mjetit me drejtues shtetasin V. B., ku ishte e fshehur një sasi e dyshuar lëndë narkotike “Heroinë”.

Në cilësinë e provës materiale janë sekuestruar 6 kg e 134 gr lëndë narkotike e dyshuar “Heroinë”, 5 aparate celularë, 256 fishekë (pistoletë model TT), 20 fishekë armë gjahu model 12 dhe një automjet.

Materialet proceduriale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën [email protected]", thuhet në njoftim./ CNA