web counter
LEXO PA REKLAMA!

SHKARKO APP

App Store
Google Play

4 raste të vjedhjes së automjeteve/ Arrestohet 42-vjeçari në Korçë

1 Shkurt 2026, 09:09, Kronika CNA


Një 42-vjeçar u vu në pranga në Korçë, pas zbardhjes dhe dokumentimit të katër rasteve të vjedhjes së automjeteve në qytet.

Shtetasi L. Sh., rezulton i dënuar më parë për të njëjtën veprimtari.

Në përfundim të operacionit të koduar “Four”, u sekuestruan sendet e vjedhura nga automjetet.

Njoftimi:

Shërbimet e Komisariatit të Policisë Korçë, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve përpara përgjegjësisë ligjore, pas një pune të mirëfilltë hetimore, finalizuan operacionin e koduar “Four”.

Si rezultat i operacionit u identifikua, u kap dhe u arrestua në flagrancë shtetasi L. Sh., 42 vjeç, banues në Korçë, i dënuar më parë për vjedhje.

Nga veprimet hetimore, këqyrja e pamjeve filmike dhe informacionet e marra në rrugë operative, dyshohet se ky shtetas është autori i vjedhjes në 4 automjete, ngjarje të ndodhura më datë 31.01.2026, në qytetin e Korçës.

Në cilësinë e provës materiale u gjetën dhe u sekuestruan një kasetofon, një pasaportë, një palë çelësa, një telefon i markës iPhone 13 Pro Max, një sasi lekësh dhe sende të tjera.

Materialet procedurale iu referuan Prokurorisë së Korçës, për veprime të mëtejshme./CNA





Lajmet e fundit nga