web counter
LEXO PA REKLAMA!

SHKARKO APP

App Store
Google Play

E fundit!

x

300 kg drogë drejt Malit të Zi/ Kush është Emiljan Burba, mik i Aldo Bares

3 Nëntor 2023, 10:38, Kronika CNA

300 kg drogë drejt Malit të Zi/ Kush është Emiljan Burba,

Policia e Shkodrës ka arrestuar Emiljan Burbën, pasi dyshohet se bashkëpunoi me 2 shtetas të tjerë, për të trafikuar rreth 300 kg kanabis që u sekuestruan në doganën e Malit të Zi.

Mësohet se Burda njihet si miku i Aldo Bares dhe në vitin 2014 u arrestua në Tiranë, pasi rezultonte i dënuar në Itali me 21 vite burg për trafik droge.

Pas ekstradimit në Itali, ai i shpëtoi burgut. 

Por më pak se një vit pas ekstradimit në Itali, Burba ia doli të dilte “i larë” me punën italiane, pasi ai u lirua në janar të 2015 nga Gjykata e Apelit të Torinos.

“Burba është mes organizatorëve të trafikut të lëndëve narkotike dhe ka qenë nën drejtimin e Alfred Shkurtit, të njohur si Aldo Bare, kapo i bandës, të njohur në rrethe kriminale edhe si 'profesori'”, shkruhej në dosjen italiane për 54-vjeçarin.

Sakaq, në muajin shkurt, Burbës iu sekuestruan nga Prokuroria e Tiranës, 2 ndërtesa resort në Delvinë, 1 kamion dhe 1 rimorkio. 

Njoftimi i Policisë: 

Hetimet e thelluara bëjnë të mundur identifikimin dhe vënien në pranga të një 55-vjeçari që dyshohet se bashkëpunoi me 2 shtetas të tjerë, për të trafikuar rreth 300 kg lëndë narkotike cannabis sativa që u sekuestrua në doganën e Malit të Zi.
Si rezultat i shkëmbimit të informacioneve me Policinë malazeze, më datë 17.09.2023, u vunë në pranga 2 shtetasit (babë e bir) të cilët e transportonin drogën, me një kamion të ngarkuar me dërrasa dhe me paleta që kishin destinacion Austrinë.
Në vijim të hetimeve të thelluara, të ndjekura në koordinim me Policinë e Malit të Zi dhe në drejtimin e Prokurorisë së Shkodrës, për një rast të tentativës për të trafikuar lëndë narkotike, specialistët e Seksionit për Hetimin e Narkotikëve të Drejtorisë Vendore të Policisë Shkodër, në bashkëpunim me shërbimet e Forcës së Posaçme Operacionale të DVP Vlorë, ndaluan shtetasin E. B., 55 vjeç, banues në Tiranë.
Nga hetimet e deritanishme dyshohet se 55-vjeçari i ndaluar nga Policia, në Sarandë, ka bashkëpunuar me 2 shtetasit e arrestuar I. O. dhe K. O. (babë e bir), gjatë tentativës për të trafikuar rreth 300 kg lëndë narkotike cannabis sativa që u sekuestruan më datë 17.09.2023, në doganën e Malit të Zi.
Vijojnë hetimet për të zbardhur këtë veprimtari kriminale, si dhe për të identifikuar dhe arrestuar të gjithë shtetasit e implikuar në të.
Materialet procedurale i kaluan Prokurorisë pranë Gjykatës së Shkallës së Parë të Juridiksionittë Përgjithshëm Shkodër, për veprime të mëtejshme./CNA





Lajmet e fundit nga