web counter
LEXO PA REKLAMA!

SHKARKO APP

App Store
Google Play

Zjarret në Greqi/ 20 viktima, dhjetëra të plagosur, 79 persona të arrestuar  

25 Gusht 2023, 09:46, Kosova & Bota CNA

Zjarret në Greqi/ 20 viktima, dhjetëra të plagosur, 79 persona

Situata e zjarreve në Greqi vijon të jetë alarmante. Sipas mediave greke, deri më tani kanë humbur jetën 20 persona dhe dhjetëra të tjerë janë të lënduar.

Mësohet se policia ka arrestuar 79 persona për zjarrvënie. Ministri i Mbrojtjes Civile, Vassilis Kikilias, tha se kishte pasur disa përpjekje nga zjarrvënësit për të ndezur zjarre të tjera në malin Parnitha, në veriperëndim të Athinës.

Zëdhënësi i qeverisë Pavlos Marinakis i tha transmetuesit publik grek "ERT" se nga 140 arrestime të lidhura me zjarret, 79 kishin të bënin me zjarrvënie. Qindra zjarrfikës në të gjithë Greqinë janë duke luftuar me zjarret vdekjeprurëse.

Fronti i madh i zjarrit që shpërtheu të shtunën pranë qytetit port të Alexandroupolis është bërë më i madhi në histori në BE, sipas komisionerit evropian Janez Lenarcic.

Ndërkohë, në malin Parnitha pranë Athinës, zjarret kanë shpërthyer në një pyll ngjitur me kryeqytetin, duke kërcënuar një park kombëtar.

Në fillim të kësaj jave, trupat e 19 personave që besohet se ishin emigrantë, mes tyre edhe fëmijë, u gjetën pranë rajonit Evros në Greqinë verilindore.

Nga zjarret në rajonin e Boeotias të hënën humbi jetën edhe një bari.

Sipas Kikilias vendi po kalonte verën më të keqe që nga prezantimi i hartave të rrezikut nga zjarri në 2009.

Vetëm muajin e kaluar, mijëra njerëz u detyruan të largoheshin nga zjarret në ishullin grek të Rodosit, pasi zjarret shpërthyen dhe në pjesë të tjera të vendit./ CNA

Zjarret në Greqi/ 20 viktima, dhjetëra të plagosur, 79 persona

 





Lajmet e fundit nga