web counter
LEXO PA REKLAMA!

SHKARKO APP

App Store
Google Play

E fundit!

x

Zjarr pranë aeroportit të Londrës/ Anullohen qindra fluturime

21 Mars 2025, 16:37, Kosova & Bota CNA

Zjarr pranë aeroportit të Londrës/ Anullohen qindra fluturime

Një zjarr i madh ra këtë të premte pranë aeroportit Heathrow të Londrës. Zjarri ndërpreu energjinë elektrike në qendrën më të ngarkuar të fluturimeve në Europë, duke e detyruar atë të mbyllet dhe duke ndërprerë udhëtimin global për qindra mijëra pasagjerë.

Të paktën 1,350 fluturime për dhe nga Heathrow u anulluan, tha shërbimi i gjurmimit të fluturimeve FlightRadar 24, dhe ndikimi ka të ngjarë të zgjasë disa ditë, pasi pasagjerët përpiqen të riplanifikojnë udhëtimin e tyre dhe punën e linjave ajrore, për të çuar aeroplanët dhe ekuipazhin në vendet e duhura.

Mbetet e paqartë nëse energjia në aeroport është rikthyer plotësisht, pas punimeve të bëra deri në këto momente.

Autoritetet nuk e dinë se çfarë e shkaktoi zjarrin, por deri më tani nuk kanë gjetur prova se ishte i qëllimshëm apo në rrethana të dyshimta.

Banorët në perëndim të Londrës thanë për mediat vendase se dëgjuan një shpërthim të madh, të ndjekur nga një burim i madh zjarri dhe re tymi, kur zjarri shpërtheu në nënstacionin elektrik pranë aeroportit./CNA





Lajmet e fundit nga