LEXO PA REKLAMA!

SHKARKO APP

Vjosa Osmani merr në OKB 4 viktima të luftës/ Serbia dhe Rusia, me “gjemba nën këmbë”

22 Prill 2024, 19:10, Kosova & Bota CNA
Vjosa Osmani merr në OKB 4 viktima të luftës/ Serbia dhe Rusia,
Presidentja e Kosovës, Vjosa Osmani

Presidentja e Kosovës, Vjosa Osmani shkoi në mbledhjen e Këshillit të Sigurimit të OKB-së me 4 gra që janë viktima të luftës së Serbisë.

Konkretisht, Osmani mori në Neë York Elhame Muqollin, Vasfije Krasniqi-Goodmanin, Shyhrete Tahiri-Sylejmanin dhe Fahrije Hotin.

Kjo nuk u prit mirë nga presidenti serb, Aleksandër Vuçiç, i cili pretendoi se delegacioni serb është future në kurth.

Ai deklaroi se viktimat e luftës nuk duhet të ishin pjesë të delegacionit të Kosovës.

“Keni sjellë njerëz që s'e kanë vendin këtu, në rendin diplomatik. Është teatër politik, ky është një kurth për delegacionin serb. Na informoni herën tjetër, që të sjellim edhe ne njerëz për të fajësuar palën tjetër”, u shpreh Vuçiç.

Edhe Rusia doli në krah të Serbisë, duke thënë se “sjellja e viktimave të luftës nga Kosova është shkelje e qartë e rregullave të procedurës”.

Osmani iu përgjigj atyre duke thënë se 4 gratë që janë me të në sallë janë edhe pjesë e kabinetit të saj, përveçse persona që kanë vujatur pasojat e luftës serbe.

“Sa i përket çështjes procedurale, përceçse janë avokate të shkathta për drejtësinë, po ashtu janë pjesëtare të kabinetit tim, të emëruara si të tilla. Kështu që janë në kapacitet këshillues, sese ato punojnë për kauzat që i kanë për zemër, për gratë që kanë përjetuar dhunë seksuale dhe përkrahjen e familjeve të këtyre grave”, deklaroi Osmani.

Rusi mbrojti me “thonj” Serbinë, duke ngritur pretendimet se presidentja e Kosovës duhet të kishte shkuar e vetme në OKB.

“Zonja Osmani mund të besojë se ka një kabinet ministrash, këshilltarësh e kështu, mirëpo sipas pikëpamjes sonë ajo nuk ka kabinet dhe nëse beson se ka, ajo është ftuar si person privat”, deklaroi përfaqësuesi rus, Vasily Nebenzya./ CNA

Lajmet e fundit nga