web counter
LEXO PA REKLAMA!

SHKARKO APP

App Store
Google Play

E fundit!

x

Varhelyi flet për Kosovën në PE: Drafti i propozuar nga ekipi menaxhues, pikënisje e mirë për Asociacionin

10 Maj 2023, 14:14, Kosova & Bota CNA

Varhelyi flet për Kosovën në PE: Drafti i propozuar nga ekipi

Komisioneri për zgjerimin dhe fqinjësinë, Oliver Varhelyi, përshëndeti përmbylljen e procesit për liberalizimin e vizave, progresin e bërë në dialogun Prishtinë-Beograd me pranimin e marrëveshjes për normalizimin e marrëdhënieve dhe aneksit të zbatimit.

Lidhur me asociacionin, zyrtari i Bashkimit Europian përmendi detyrimin që ka Kosova për formimin e tij për shkak të marrëveshjeve të kaluara.

“Duhet të zbatohen të gjitha obligimet nga dialogu, pa vonesa dhe pa kushte, përfshirë edhe atë nga marrëveshjet e vitit 2013 dhe 2015 për krijimin e Asociacionit të komunave me shumicë serbe. Siç ka nënvizuar përfaqësuesi i posaçëm për dialog, drafti i prezantuar në takimin e fundit nga Ekipi Menaxhues, është pikënisje për diskutimet e mëtejshme për themelimin e Asociacionit”, tha ai.

Varhelyi nënvizoi se Kosova dhe i gjithë rajoni i Ballkanit Perëndimor e kanë vendin në Bashkimin Europian.

Eurokomisioneri mori pjesë gjithashtu edhe në diskutimet për raportin e Serbisë në Parlamentin Europian.

Zyrtari tha se mospërshtatja e politikës së jashtme të Beogradit me atë të BE-së, lidhur me sanksionet ndaj Rusisë, përbën një çështje serioze. Varhelyi më tej shtoi se Serbia deri tani ka hapur 22 prej 35 kapitujve në negociatat e anëtarësimit, ndërsa njoftoi se Komisioni Europian është gati të hapë një bllok të tërë me kapituj të tjerë.

 





Lajmet e fundit nga