web counter
LEXO PA REKLAMA!

SHKARKO APP

App Store
Google Play

E fundit!

x

Ukraina thotë se sulmet ruse pranë Kharkivit vrasin katër persona, përfshirë fëmijë

11 Shkurt 2026, 09:54, Kosova & Bota CNA

Ukraina thotë se sulmet ruse pranë Kharkivit vrasin katër

Sulmet ajrore ruse gjatë natës kanë vrarë të paktën katër persona, përfshirë tre fëmijë të vegjël në rajonin verilindor të Kharkivit të Ukrainës, thanë zyrtarët lokalë. Kreu rajonal Oleh Synegubov tha se dy djem, të dy 2 vjeç, një vajzë njëvjeçare dhe një burrë 34-vjeçar humbën jetën pasi një dron goditi shtëpinë e tyre në qytetin Bohodukhiv.

"Një grua shtatzënë 35-vjeçare dhe një grua tjetër, 73 vjeçe, u plagosën në sulmin ndaj qytetit", tha Synegubov.

Sulmi ajror rus vjen ndërsa Moska rinovon sulmet pas një pauze njëjavore që Donald Trump i kishte kërkuar Vladimir Putin-it ta vëzhgonte, ndërsa një i ftohtë i egër përfshiu Ukrainën. Bohodukhiv, në veriperëndim të qytetit të dytë më të madh të Ukrainës, Kharkiv, ka qenë nën sulme pothuajse të përditshme ruse ditët e fundit.

Të hënën, një grua 41-vjeçare dhe një djalë 10-vjeçar u vranë në qytet, tha Synegubov. Forcat ruse hodhën gjithashtu shtatë bomba në qytetin e Slovjanskut të martën, tha kreu rajonal i Donetskut Vadym Filashkin në "Telegram". Tre persona, përfshirë një vajzë 11-vjeçare, u vranë.

Moska ka rritur presionin në zonë duke synuar infrastrukturën e transportit dhe energjisë me një numër rekord raketash balistike, tha Presidenti ukrainas, Volodymyr Zelensky. Autoritetet lokale kanë shpallur gjendje të jashtëzakonshme për shkak të situatës energjetike në rajonin e Kharkivit.

Kjo vjen pasi një i ashtuquajtur "armëpushim energjetik", i cili kishte për qëllim t'i lejonte sektorit të energjisë së Ukrainës një pushim gjatë temperaturave -20°C (-4°F), skadoi javën e kaluar.

Dhjetëra mijëra njerëz në të gjithë Ukrainën po përjetojnë ndërprerje të rënda të energjisë elektrike dhe shumë familje nuk kanë ujë të rrjedhshëm apo ngrohje. Zelensky ka thënë se SHBA-ja do që lufta me Rusinë të përfundojë deri në qershor dhe se të dyja palët janë ftuar në SHBA për bisedime javën e ardhshme.

Ndërkohë, një sulm masiv nga dronë ukrainasë në Volzhsky, në rajonin e Volgogradit në Rusi, u raportua të mërkurën në mbrëmje. Guvernatori rajonal Andrei Bocharov tha se një apartament u dëmtua nga sulmi dhe një zjarr shpërtheu në një fabrikë./CNA, përkthyer nga "BBC"





Lajmet e fundit nga