web counter
LEXO PA REKLAMA!

SHKARKO APP

App Store
Google Play

Presidenti i Kolumbisë, Petro: I shpëtova një komploti për atentat me helikopter

11 Shkurt 2026, 08:47, Kosova & Bota CNA

Presidenti i Kolumbisë, Petro: I shpëtova një komploti për

Presidenti i Kolumbisë, Gustavo Petro, tha se i shpëtoi një përpjekjeje për ta vrarë, ndërsa po udhëtonte me helikopter bashkë me vajzat e tij, pas disa muajsh paralajmërimesh për një komplot të supozuar nga trafikantë droge që e kishin pikësynim.

Petro tha se helikopteri i tij nuk mundi të ulej në një destinacion në bregdetin Karaibe të Kolumbisë, sepse kishte frikë se njerëz do të qëllonin drejt tij.

“Mbrëmë nuk munda të ulem sepse më informuan se do të qëllonin drejt helikopterit ku isha me vajzat e mia”,-tha Petro.

Ai shtoi se dritat ku kishte planifikuar të ulej nuk u ndezën, duke e detyruar atë të ndryshojë planin e udhëtimit për shkak të kërcënimeve ndaj sigurisë së tij.

Petro kishte raportuar më parë një tjetër përpjekje të supozuar për atentat në vitin 2024 dhe ka pretenduar se një kartel droge e ka pasur synim që ta eliminojë që kur mori detyrën në gusht 2022.

Ngjarja u bë publike ndërsa Kolumbia përballet me një valë të dhunës në prag të zgjedhjeve presidenciale, ku Petro në mënyrë kushtetuese nuk mund të garojë për një mandat të dytë./CNA





Lajmet e fundit nga