web counter
LEXO PA REKLAMA!

SHKARKO APP

App Store
Google Play

E fundit!

x

Trump ndryshon mendim/ Kërkon nga republikanët të votojnë për publikimin e dosjeve të Epstein

17 Nëntor 2025, 08:46, Kosova & Bota CNA

Trump ndryshon mendim/ Kërkon nga republikanët të votojnë

Presidenti amerikan, Donald Trump, u ka bërë thirrje republikanëve në Dhomën e Përfaqësuesve të votojnë për të publikuar dosjet mbi abuzuesin seksual, Jeffrey Epstein, pavarësisht se më parë e kishte kundërshtuar këtë.

"Republikanët në Dhomën e Përfaqësuesve duhet të votojnë për të publikuar dosjen 'Epstein' sepse nuk kemi asgjë për të fshehur dhe sepse është koha ta lëmë pas këtë mashtrim të demokratëve", tha presidenti amerikan nëpërmjet Truth Social.

Dhoma e Përfaqësuesve do të shqyrtojë këtë javë një projektligj që do ta detyrojë Departamentin e Drejtësisë të publikojë të gjitha dokumentet e tij në lidhje me Epstein.

"Departamenti i Drejtësisë ka publikuar tashmë dhjetëra mijëra faqe dokumentesh “Epstein” që përfshijnë demokratë të ndryshëm dhe marrëdhënien e tyre me Jeffrey Epstein”, tha më tej Donald Trump, ndërsa përmendi emrat e Bill Clinton, Reed Hoffman, Larry Summers, etj.

Kreu republikan i shtetit është akuzuar vazhdimisht në muajt e fundit se po përpiqet të fshehë aspekte të çështjes që e shqetësojnë atë personalisht, diçka që ai e ka mohuar. /CNA





Lajmet e fundit nga