web counter
LEXO PA REKLAMA!

SHKARKO APP

App Store
Google Play

E fundit!

x

Tragjedi e rëndë në Greqi/ Aksidenti u merr jetën të rinjëve 15, 19 dhe 20 vjeç

17 Gusht 2024, 17:45, Kosova & Bota CNA
Tragjedi e rëndë në Greqi/ Aksidenti u merr jetën të
Aksidenti në Kretë

Tragjedi që të lë pa fjalë, e kanë cilësuar mediat greke, aksidentin e rëndë i cili i mori jetën tre të rinjëve në Greqi. Aksidenti ka ndodhur në ishullin e Kretës mëngjesin e së shtunës në qytetin e Chania-s, në aksin rrugor verior të ishullit grek.

Sipas informacioneve nga mediat vendase, dy nga djemtë kanë ndërruar jetë në vendngjarje, ndërsa i treti ka humbur jetën në urgjencën e spitalit të Chanias, ku u transportua menjëherë. Ndërkohë që një vajzë 22-vjeçare ndodhet e intubuar në Repartin e Mjekimit Intensiv të Spitalit të Chanias, ku po lufton me vdekjen, pasi ka pësuar dëmtime në tru. E reja ishte pasagjerja e katërt në makinën e përfshirë në aksidentin e tmerrshëm.

Makina me të cilën udhëtonin katër të rinjtë është përplasur me një furgon në të cilin udhëtonin 21 persona, dhe sipas informacioneve nuk ka pasur lëndime të rënda në pasagjerë.

Sipas informacioneve nga burime policore që i referohen dëshmitarëve, makina dyshohet se ka tentuar të parakalojë, por drejtuesi ka humbur kontrollin e mjetit duke dalë në korsinë e kundërt.

Katër të rinjtë kanë mbetur të bllokuar në makinë dhe është dashur ndihma e zjarrfikësve për t'i nxjerrë. Në vendngjarje kanë shkuar 4 autoambulanca si dhe  forcat zjarrfikëse për nxjerrjen e trupave, ndërsa Policia Rrugore e BOAK-ut po heton për shkaqet e tragjedisë.

Aksidenti fatal i trafikut ka ndodhur në BOAK, në lartësinë e urës së Gallatës, kur mjeti i tyre është përplasur me furgonin e zi, i cili po transportonte turistë./CNA





Lajmet e fundit nga