LEXO PA REKLAMA!

SHKARKO APP

E fundit!

x

Të shtëna me armë në protestën e opozitës në Maqedoninë e Veriut/Mickoski nxjerr foton e protestuesit me pistoletë: Tentuan të më vrasin!

6 Korrik 2022, 22:49, Kosova & Bota CNA
Të shtëna me armë në protestën e opozitës në
Persona me armë në protestë

Të shtëna me armë zjarri dhe hedhje e sendeve të forta kanë shoqëruar nisjen e protestës së sotme në Maqedoni të Veriut.

Protestuesit që janë duke protestuar prej disa ditësh para Qeverisë kundër propozimit francez për marrëveshjen me Bullgarinë kanë nisur të lëvizin drejt Ministrisë së Punëve të Jashtme, ku janë përleshur me disa persona të tjerë.

 Incidenti nisi kur protestuesit pasi kaluan nënkalimin te sheshi “Skënderbej”, janë goditur me shishe dhe drunj nga një grup shqiptarësh.

Gjithashtu janë regjistruar përleshje e konfrontime fizike, ndërsa dyshohet se përplasja ka nisur pas thirrjeve raciste nga protestuesit maqedonas, nga grupi i të cilëve dëgjoheshin thirrjet e famshme diskriminuese ‘Shiptari’.

Pas shumë minutash luftë verbale, grupi i protestuesve maqedonas vazhdoi më tej tubimin drejt Ministrisë së Jashtme dhe Kuvendit në Shkup, por ka qenë kreu i VMRO-DPMNE-së, Hristijan Mickoski, që i ka hedhur benzinë zjarrit.

Të shtëna me armë në protestën e opozitës në

Ai ka publikuar në "Facebook" një fotografi ku shihet një person me pistoletë në dorë, që sipas tij ka tentuar ta vrasë gjatë incidentit në Çarshinë e vjetër të Shkupit.

Mickoski ka kërkuar nga Ministria e Brendshme dhe ministri Spasovski që të veprojnë dhe të arrestohet ky person, ndërsa më pas policia ka bërë me dije se gjatë incidentit të përmendur më sipër u regjistruan vërtetë të shtëna armësh.

Për vetëm pak kohë, policia ka bërë të mundur arrestimin e një aktivisti të Aleancës, i cili shihet edhe në foton e bërë në Çarshinë e vjetër të Shkupit. I riu shqiptar shihet me pistoletë në dorë, duke u përballur me huliganët maqedonas të cilët hynë në Çarshi dhe shkatërruan me sende të forta lokalet dhe veturat për rreth.

Ndërkohë, BDI përmes një komunikate me shkrim thotë se dënon incidentet në protestat antieuropiane të nxitura nga elementet proruse në shoqërinë maqedonase, përfshirë edhe incidentin e inskenuar sipas tyre, sonte në sheshin “Skënderbeu në Shkup.

“Incidenti midis aktivistëve të VMRO-së, Levicës dhe Aleancës nuk ka se si mos të konsiderohet i paramenduar dhe i planifikuar nga ky koalicion pasi që protagonistë ishin pikërisht këto tri parti dhe përkrahësit e tyre. Personi që sulmoi partnerët e koalicionit sonte, dje bënte fushatë bashkë me të vëllain për VMRO-në, ndërsa sot është funksionar i VMRO-së, drejtor i Higjienës Komunale në Shkup. BDI fton për gjakftohtësi dhe mosnxitje të incidenteve ndëretnike dhe dhunës në protesta. Forcat antieuropiane nuk do të ngadhënjejnë sepse vendi ynë është në NATO dhe qytetarët e duan Europën”, thuhet në reagimin e BDI-së./CNA.al

Lajmet e fundit nga