web counter
LEXO PA REKLAMA!

SHKARKO APP

App Store
Google Play

Skandali me Eva Kailin/ Rrëfehet eurodeputetja: I kërkova tim ati të fshihte 750 mijë euro

20 Dhjetor 2022, 09:18, Kosova & Bota CNA
Skandali me Eva Kailin/ Rrëfehet eurodeputetja: I kërkova tim ati
Eurodeputetja Eva Kaili

Një tjetër detaj i rëndësishëm është zbuluar në lidhje me Eva Kailin, eurodeputeten e përfshirë në skandal.

Para se të jepet vendimi për të, mediat e huaja raportojnë se eurodeputetja greke ka pranuar se i kishte kërkuar të atit t’i fshihte paratë që kishte në shtëpinë e saj.

Kujtojmë se policia belge fillimisht ndaloi babanë e Eva Kailit me 600 mijë euro para cash në një valixhe jashtë një hoteli në Bruksel dhe pas heqjes së imunitetit të eurodeputetes Eva Kaili u kryen kontrolle në shtëpinë e saj dhe iu gjetën 150 mijë euro të tjera.

Sipas gazetës "Le Soir", Eva Kaili ka pranuar se i ka kërkuar të atit t'i fshihte paratë. “E pandehura pranoi se e kishte udhëzuar të atin që të fshihte paratë”, thuhet në artikull, sipas prokurorit Michel Clez, i cili drejton hetimet e Katargate.

“Ajo tha se e kishte njohur në të kaluarën aktivitetin e partnerit të saj (s.s. Francesco Giorgi) me zotin Panzeri dhe se e dinte që valixhja me para cash ishte në banesën e saj. Të njëjtën gjë raporton edhe "La Repubblica", e cila thotë se Eva Kaili ka thënë “është e vërtetë, që e ka ditur për aktivitetet e zotit Panzeri dhe e ka ditur që në shtëpinë e saj ka pasur valixhe me para”.

Sipas publikimit, “kur policia kreu operacionin ndaj partnerit të saj, Eva Kaili ra në panik. Përveç udhëzimit të babait të saj që të fshihte shpejt një pjesë të parave, ajo "u përpoq të paralajmëronte Panzerin dhe dy eurodeputetë të tjerë për hetimin". "Le Soir" raporton gjithashtu se Francesco Giorgi pranoi në prokurori se ai ishte pjesë e një grupi të përdorur nga Maroku dhe Katari për të ndikuar tek europianët./ CNA.al





Lajmet e fundit nga