web counter
LEXO PA REKLAMA!

SHKARKO APP

App Store
Google Play

E fundit!

x

Skandali me dokumentarin/ Trump kërcënon BBC-në me padi ligjore

10 Nëntor 2025, 16:41, Kosova & Bota CNA

Skandali me dokumentarin/ Trump kërcënon BBC-në me padi ligjore

Një krizë serioze besueshmërie ka tronditur BBC-në, pas dorëheqjeve të drejtorit të përgjithshëm Tim Davey dhe drejtoreshës së lajmeve Deborah Turnes, pas zbulimeve se dokumentari "Panorama" e dezinformoi publikun me një version të ndryshuar të një fjalimi të Presidentit të SHBA-së Donald Trump.

Raportohet se presidenti amerikan i ka dërguar një letër BBC-së, në të cilën kërcënon me padi ligjore për mashtrim në prezantimin e fjalimit të tij. BBC konfirmoi se e mori letrën dhe njoftoi se do të përgjigjet në kohën e duhur.

BBC akuzohet për "deformim" të fragmenteve të fjalimit të Trump për ta bërë të dukej sikur ai po bënte thirrje drejtpërdrejt për veprime të dhunshme ditën kur protestuesit sulmuan Kapitolin. Konkretisht, dokumentari “Panorama” kishte kombinuar fraza nga pjesë të ndryshme të fjalimit, duke hequr pjesën ku Trump u kërkonte mbështetësve të tij të vepronin "në mënyrë paqësore dhe patriotike".

Incidenti solli më shumë se 500 ankesa nga shikuesit dhe kritika të forta nga Uashingtoni, me zëdhënësen e Trump, Karoline Leavitt, që e cilësoi ngjarjen si "dezinformim i qëllimshëm" dhe "lajme 100% të rreme".

Kryetari i BBC-së, Samir Shah, i shkroi Dhomës së Komunave duke kërkuar falje për gabimin që çoi në përshtypjen e gabuar se presidenti amerikan po nxiste dhunë. Shah tha se menaxhmenti kishte ndërmarrë tashmë veprime korrigjuese, ndryshime në kodin e sjelljes dhe masa disiplinore, duke hedhur poshtë akuzat se BBC e kishte lënë në harresë çështjen. /CNA





Lajmet e fundit nga