E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Shkatërrohet grupi kriminal i drogës në Atikë, 4 persona të arrestuar

18 Dhjetor 2025, 20:22, Kosova & Bota CNA

Shkatërrohet grupi kriminal i drogës në Atikë, 4 persona

Policia greke ka shkatërruar një organizatë kriminale që vepronte në trafikimin e sasive të konsiderueshme të kanabisit në rajonin e gjerë të Atikës. Gjatë operacionit u arrestuan katër persona, ndërsa u sekuestruan më shumë se 15 kilogramë kanabis dhe 51,490 euro cash.

Të arrestuarit janë dy shtetas të huaj, të moshës 55 dhe 30 vjeç, si dhe dy shtetas grekë, 22 dhe 30 vjeç, të kapur në zona të ndryshme të Atikë. Sipas njoftimit të policisë (ELAS), 30-vjeçari i huaj ishte zëvendëskryetar i organizatës dhe bashkëpërgjegjës për ruajtjen e drogës, ndërsa 22-vjeçari grek i rezistoi arrestimit duke sulmuar efektivët.

Hetimet, të bazuara në informacione të inteligjencës dhe veprime policore të koordinuara, zbuluan se grupi kishte krijuar një organizatë të strukturuar me role të qarta dhe hierarki, me qëllim trafikimin e drogës dhe përfitime të mëdha të paligjshme.

Sipas policisë, kanabisi i papërpunuar shitej me 2,500 euro për kilogram, ndërsa ai i përpunuar në formë “çokollate” me 5,000 euro për kilogram.

Rolet në organizatë:

55-vjeçari i huaj ishte udhëheqësi, përgjegjës për gjetjen, ruajtjen e drogës dhe menaxhimin e fitimeve.

30-vjeçari i huaj ishte zëvendëskryetar, bashkëpërgjegjës për ruajtjen e lëndëve narkotike.

22-vjeçari grek merrej me ruajtjen dhe dorëzimin e drogës te transportuesi.

30-vjeçari grek ishte përgjegjës për transportin dhe trafikimin.

Gjatë kontrolleve u sekuestruan, ndër të tjera, rreth 1.9 kg kanabis i përpunuar, mbi 15.1 kg kanabis i papërpunuar, një automjet, një mjet me dy rrota, jelek antiplumb, peshore elektronike, telefona celularë dhe pajisje për paketim.

Autoritetet vlerësojnë se fitimi i paligjshëm i organizatës tejkalon 95,000 euro. Dy prej të arrestuarve, 55-vjeçari dhe 22-vjeçari, rezultojnë me precedentë penalë për vepra të ngjashme.

Të arrestuarit janë dërguar në prokurorinë përkatëse dhe më pas para hetuesit./ CNA