web counter
LEXO PA REKLAMA!

SHKARKO APP

App Store
Google Play

E fundit!

x

SHBA/ Anulohet marrëveshja me personat e akuzuar për sulmet e 11 shtatorit

3 Gusht 2024, 09:54, Kosova & Bota CNA
SHBA/ Anulohet marrëveshja me personat e akuzuar për sulmet e 11
Sulmet e 11 shtatorit

Sekretari i Mbrojtjes i SHBA-së, Lloyd Austin ka anuluar një marrëveshje paragjyqësore të arritur me personat e akuzuar për komplotimin e sulmeve terroriste të 11 shtatorit 2001, raporton BBC. 

Marrëveshja origjinale, e cila thuhet se do t'i kishte kursente sulmuesve dënimin me vdekje, u kritikua nga disa familje të viktimave.

Sulmet e 11 shtatorit ishin më vdekjeprurëse në tokën amerikane që nga sulmi japonez i vitit 1941 në Pearl Harbor, Hawaii, ku u vranë 2,400 njerëz. Këto sulme ndezën "Luftën kundër Terrorit" dhe ndërhyrjet ushtarake në Afganistan dhe Irak.

Austin përmendi pesë të pandehur duke përfshirë kreun e dyshuar të komplotit, Khalid Sheikh Mohammed, të cilët të gjithë mbahen në Gjirin e Guantanamos, Kubë. Marrëveshja origjinale përmendte tre burra.

"Përgjegjësia për një vendim të tillë duhet të jetë tek unë si autoriteti epror. Unë tërhiqem nga tre marrëveshjet paragjyqësore", tha ai. 

Shtëpia e Bardhë tha të mërkurën se nuk kishte luajtur asnjë rol në marrëveshjen për pranimin e fajësisë.

Në shtator, administrata Biden thuhet se hodhi poshtë kushtet e një marrëveshjeje për pranimin e fajësisë me pesë burra të mbajtur në bazën e marinës amerikane në Kubë, përfshirë Mohammedin./CNA 





Lajmet e fundit nga