web counter
LEXO PA REKLAMA!

SHKARKO APP

App Store
Google Play

E fundit!

x

Rubio: Po na mbarojnë opsionet për sanksione në Rusi

13 Nëntor 2025, 17:21, Kosova & Bota CNA

Rubio: Po na mbarojnë opsionet për sanksione në Rusi

Sekretari Amerikan i Shtetit, Marco Rubio ka deklaruar se SHBA-së po i mbarojnë opsionet për të vendosur sanksione ndaj Rusisë.

“Epo, nuk ka mbetur shumë për të sanksionuar nga ana jonë, dua të them, ne goditëm kompanitë e tyre të mëdha të naftës, gjë që të gjithë e kanë kërkuar”, tha Rubio para një takimi të ministrave të jashtëm të G7-ës.

Muajin e kaluar, SHBA-të vendosën sanksione mbi kompanitë Rosneft dhe Lukoil dhe degët e tyre, në një përpjekje për të ulur të ardhurat e Rusisë nga nafta, burimi i saj kryesor i financimit për luftën kundër Ukrainës, dhe për ta shtyrë Moskën në tryezën e negociatave në një përpjekje për t'i dhënë fund agresionit të Kremlinit. Sanksionet hyjnë në fuqi të plotë më 21 nëntor.

BE-ja ka vendosur 19 paketa sanksionesh kundër Rusisë, duke goditur LNG-në e Rusisë, bankat, tregtinë e kriptovalutave, duke shtrënguar më tej flotën në hije që lëviz në mënyrë klandestine mallra të sanksionuara dhe të tjera, me qëllim reduktimin e ekonomisë së luftës ruse.

Qeveria ukrainase tha se e di se ka më shumë për të sanksionuar dhe është e gatshme të punojë me partnerët për t'ua treguar atyre.

“Lidhur me deklaratën e Rubios për shterimin e opsioneve të sanksioneve... ka absolutisht më shumë opsione objektive. Më shumë kompani të mëdha nafte, banka dhe flotë/infrastrukturë. Dhe komponentë dhe mbrojtje. Dhe pagesa. Dhe Arktik”,  tha Vladyslav Vlasiuk, i dërguari Presidentit ukrainas Volodymyr Zelenskyy për sanksionet. /CNA





Lajmet e fundit nga