web counter
LEXO PA REKLAMA!

SHKARKO APP

App Store
Google Play

Reshje ekstreme shiu në Kinë/ 1 milion të zhvendosur dhe 30 viktima

5 Gusht 2023, 20:30, Kosova & Bota CNA

Reshje ekstreme shiu në Kinë/ 1 milion të zhvendosur dhe 30

Më shumë se një milion njerëz janë detyruar të largohen nga shtëpitë e tyre për shkak të një stuhie në provincën Hebei të Kinës, sipas mediave shtetërore, pasi zyrtarët paralajmëruan se mund të duhet një muaj që ujërat të tërhiqen në disa zona.

Tajfuni Doksuri goditi provincën Fujian të Kinës juglindore më 28 korrik.

Shirat që pasuan prekën Hebein, një provincë prej 75 milionë banorësh dhe qytetet fqinje, Pekinin dhe Tianjin. Përmbytjet në ato rajone bllokuan banorët,  duke vrarë rreth 30 njerëz në total, sipas autoriteteve kineze.

Stuhia solli gjithashtu reshjet më të mëdha të shiut që Pekini ka përjetuar në 140 vite.

Banorët e evakuuar janë transferuar në strehimore të improvizuara në hotele dhe shkolla, sipas raporteve të mediave kineze.

Të paktën 10 persona janë vrarë në Baoding, një qytet i madh në Heibi,18 të tjerë u raportuan të zhdukur. Shirat në qytet detyruan rreth 627,000 të evakuohen dhe preku më shumë 1.1 milion njerëz.

Mijëra shtëpi tashmë janë dëmtuar ose shkatërruar. Pushteti vendor tha se dëmet ekonomike nga stuhia janë rreth 2.2 miliardë dollarë.

Rreth 1.5 milionë njerëz janë evakuuar nga provinca Hebei, megjithëse nuk është e qartë nëse disa njerëz në zonat e kontrollit të përmbytjeve ishin evakuuar më parë për shkak të shirave të dendur./CNA.al





Lajmet e fundit nga