web counter
LEXO PA REKLAMA!

SHKARKO APP

App Store
Google Play

E fundit!

x

Mbahet raundi i dytë në Francë, zgjedhjet për Parlamentin dhe kryeministrin e ri

7 Korrik 2024, 09:10, Kosova & Bota CNA
Mbahet raundi i dytë në Francë, zgjedhjet për Parlamentin
Votime në Francë, burimi: Getty Images

Francezët u drejtohen sërish kutive të votimit këtë të diel për raundin e dytë të zgjedhjeve të përgjithshme. Përveç 500 anëtarëve të Asamblesë Kombëtare, sot zgjidhet edhe kryeministri i ardhshëm i Francës, që vjen nga partia e cila ka marrë shumë vota.

Presidenti francez, Emmanuel Macron, shpërndau Parlamentin dhe bëri thirrje për zgjedhje të parakohshme legjislative, pasi e djathta ekstreme mposhti aleancën e tij centriste në zgjedhjet e 9 qershorit për Parlamentin Evropian.

Gjithsej 577 deputetë të Asamblesë Kombëtare zgjidhen për mandate 5-vjeçare në dy raunde. Ende në zgjedhje të dielën janë 501 vende pasi dhjetëra deputetë u zgjodhën plotësisht në raundin e parë.

Partia e ekstremit të djathtë të Marine le Pen kryesoi pas raundit të parë me 33% të votave, sipas shifrave të Ministrisë së Brendshme, me aleancën e majtë Fronti i Ri Popullor që pason në vendin e dytë me pothuajse 28%.

Koalicioni qeverisës i presidentit Macron zbret në vendin e tretë me 20%. Rezultatetet e para pritet të dalin pas mbylljes së procesit të votimit në orën 20:00./ CNA





Lajmet e fundit nga