web counter
LEXO PA REKLAMA!

SHKARKO APP

App Store
Google Play

E fundit!

x

Argita Malltezi në krye të PD-së?/ Bardhi: Nuk kemi vakancë

6 Korrik 2024, 19:08, Kosova & Bota CNA
Argita Malltezi në krye të PD-së?/ Bardhi: Nuk kemi vakancë
Kryetari i Grupit Parlamentar të PD-së, Gazment Bardhi. Burimi, LSA

Kryetari i Grupit Parlamentar të PD-së, Gazment Bardhi, është pyetur këtë të shtunë në lidhje me aludimet për marrjen e drejtimit të PD-së nga Argita Malltezi, vajza e ish-kryeministrit Sali Berisha.

Bardhi tha se për momentin nuk mund të flitet për këtë çështje, pasi deri në 2026-ën PD do të drejtohet nga Sali Berisha.

Ai deklaroi në një intervistë televizive se kjo pyetje bëhet “në opsionin kur PD ka humbur zgjedhjet”, ndërsa theksoi se nuk mund ta pranojë një gjë të tillë kur opozita po punon për bashkim.

“Unë e kam thënë, refuzoj të… nëse bëjmë këtë pyetje jemi në opsionin që PD ka humbur zgjedhjet. Unë nuk kam luftuar të bashkoj PD-në që PD të humbë zgjedhjet. Nuk kemi vakancë në kryesinë e PD-së. Zoti Berisha është padiskutim, ka marrë mandatin në vitin 2022. Zgjedhje për kreun e PD ka në vitin 2026. Secili prej nesh duhet të ketë vetëm qëllimin se si do fitojmë zgjedhjet. Unë punoj vetëm për këtë objektiv”, nënvizoi Bardhi./ CNA





Lajmet e fundit nga