web counter
LEXO PA REKLAMA!

SHKARKO APP

App Store
Google Play

E fundit!

x

Publikohet raporti/ Hungaria spiunon BE-në

9 Tetor 2025, 17:45, Kosova & Bota CNA

Publikohet raporti/ Hungaria spiunon BE-në

Të enjten gazeta belge De Tijd publikoi një raport sipas të cilit kryeministri hungarez Viktor Orban kishte vite që dërgonte spiunë hungarezë në Bashkimin Europian, në institucionet e saj në Bruksel.

Raporti del nga puna shumë mujore e mirëorganizuar e një grupi mediatik të përbërë nga De Tijd, së bashku me Direkt36, një qendër jofitimprurëse për gazetari investigative në Hungari; Paper Trail Media, një kolektiv gjerman; Der Spiegel, një revistë lajmesh gjermane si dhe Der Standard, një gazetë austriake.

Ai bazohet në informacione të marra nga Shërbimi i Inteligjencës hungareze, nga përfaqësia diplomatike atje, si dhe nga zyrtarët e BE-së që kishin pasur të bënin vetë me spiunët.

Reuters raportoi të enjten se një zëdhënës i KE-së njoftoi se Komisioni kishte votuar për të hapur një hetim mbi akuzat se Hungaria po spiunonte institucionet evropiane.

Raporti përmend edhe një hungarez që punonte për KE-në, të cilin nuk e identifikon. Ai ishte diplomat në përfaqësinë e përhershme të Hungarisë në BE, por pas 2 vitesh takime me nje individ, emri i të cilit nuk bëhet i njohur, pasi iu paraqit kontrata për spiunazh nga ky i fundit, diplomati e refuzoi atë me miresjellje, me pretendimin se po mbronte interesat e vendit.

Ky lloj spiunazhi nëpër institucionet europiane është më shumë një taktikë rusë dhe kineze, se sa praktike e vetë shteteve të BE-së.

Një dekadë më parë, oficerët e inteligjencës së IH në Bruksel filluan të punonin në fshehtësi ndërsa ishin të emëruar si diplomatë, gjë që u ofronte atyre mbrojtje dhe liri më të madhe. Kjo është një mënyrë veprimi për shumë agjenci inteligjence, por Rusia njihet me shumë për këtë metodë./CNA





Lajmet e fundit nga