web counter
LEXO PA REKLAMA!

SHKARKO APP

App Store
Google Play

"Miratimi i fazës së parë të planit, fitore kombëtare për Izraelin"/ Netanyahu: Falënderojmë SHBA-në

9 Tetor 2025, 07:37, Kosova & Bota CNA

"Miratimi i fazës së parë të planit, fitore

Pasi Izraeli dhe Hamasi nënshkruan marrëveshjen për fazën e pare të planit Trump për paqen ka ardhur edhe reagimi i kryeministrit izraelit Benjamin Netanyahu.

Netanyahu falënderon presidentin Trump dhe deklaron se ky është një sukses diplomatik dhe arritje kombëtare.

Kryeministri izraelit zotohet se nuk do të ndalet deri në rikthimin e të gjitha pengjeve dhe arritjen e qëllimeve.

 

"Me miratimin e fazës së parë të planit, të gjithë pengjet tona do të kthehen në shtëpi. Ky është një sukses diplomatik dhe një fitore kombëtare dhe morale për shtetin e Izraelit. Që në fillim, e bëra të qartë: nuk do të pushojmë derisa të kthehen të gjithë pengjet tona dhe të arrihen të gjitha qëllimet tona.

Përmes vendosmërisë së palëkundur, veprimeve të fuqishme ushtarake dhe përpjekjeve të mëdha të mikut dhe aleatit tonë të madh, Presidentit Trump, kemi arritur në këtë pikë kthese kritike.

Falënderoj Presidentin Trump për udhëheqjen e tij, partneritetin e tij dhe angazhimin e tij të palëkundur për sigurinë e Izraelit dhe lirinë e pengjeve tona. Zoti e bekoftë Izraelin.

Zoti e bekoftë Amerikën. Zoti e bekoftë aleancën tonë të madhe", deklaron Netanyahu.

Netanyahu tha se do ta paraqesë marrëveshjen në kabinetin e tij për miratim sot.

Sapo të miratohet votimi, ushtria izraelite do të tërhiqet. 72 orë pas kësaj, pritet që Hamasi të fillojë lirimin e pengjeve.

Trump pritet të udhëtojë për në Egjipt në ditët në vijim. 

Faza tjetër e planit të Trump kërkon krijimin e një organi ndërkombëtar, Bordi i Paqes, për të mbikëqyrur administratën e pasluftës në Gaza. Trump do të kryesojë bordin, i cili do të përfshijë udhëheqës të tjerë botërorë, përfshirë ish-kryeministrin britanik Tony Blair./CNA

 

 





Lajmet e fundit nga