web counter
LEXO PA REKLAMA!

SHKARKO APP

App Store
Google Play

E fundit!

x

Presidentja Osmani udhëton në Letoni/ Takim me homolgun letonez për bashkëpunim bilateral

14 Korrik 2025, 18:28, Kosova & Bota CNA

Presidentja Osmani udhëton në Letoni/ Takim me homolgun letonez

Presidentja e Kosovës, Vjosa Osmani ka udhëtuar sot drejt Letonisë. Vizita vjen me  ftesë të presidentit të Republikës së Letonisë, Edgars Rinkevics.

Gjatë kësaj vizite,  Osmani pritet nga presidenti i Republikës së Letonisë, Edgars Rinkevics, me të cilin përveç takimit me homologun, do të zhvillojë takim pune me delegacionet përkatëse, si dhe do të merr pjesë në drekën e punës të shtruar nga presidenti. Pas takimeve, do të mbajnë një konferencë të përbashkët për media, ku Osmani do t’i dorëzojë presidentit medaljen ushtarake presidenciale për Forcat Mbrojtëse të Letonisë për kontributin e tyre për paqen dhe sigurinë si pjesë e KFOR-it.

Përmes një komunikimi për shtyp, Osmani bën me dije se do të vizitojë edhe Qendrën e Ekselencës së NATO-s për Komunikim Strategjik (STRATCOM), do të zhvillojë po ashtu edhe takime me përfaqësues të Odës Ekonomike të Letonisë, si dhe do të ketë një diskutim me ekspertë dhe akademikë për politikat që garantojnë paqe dhe siguri të qëndrueshme.

Vizita e Presidentes Osmani synon forcimin e mëtejshëm të marrëdhënieve ndërshtetërore me Letoninë, avancimin e bashkëpunimit bilateral në fushat e politikës së jashtme, mbrojtjes e sigurisë, ekonomisë, integrimit euroatlantik, si dhe shkëmbimit të përvojave në fuqizimin e institucioneve demokratike./CNA





Lajmet e fundit nga