web counter
LEXO PA REKLAMA!

SHKARKO APP

App Store
Google Play

E fundit!

x

Politika e zgjerimit/ Tomanic, në "Public Square": Ka një krizë, kur BE të jetë gati do të jemi edhe ne gati

15 Mars 2025, 10:57, Kosova & Bota CNA

Politika e zgjerimit/ Tomanic, në "Public Square": Ka një

Në podkastin "Public Square" Ditmir Bushati në një bashkëbisedim me aktivisten Aleksandra Tomanic, ku u shpreh se sipas tij nuk ekziston një qasje e bashkërenduar për mënyrën se si duhet të trajtohet Serbia.

E pyetur për pikëpamjen e saj për këtë pjesë, Tomanic deklaroi se ka një krizë në politikën e zgjerimit pasi politika e zgjerimit është më shumë sesa hapja e kapitujve apo riorganizimi i tyrë ne grup kapitujsh e kështu me radhë.

Sipas Tomanic, politika e zgjerimit ka të bëjë me kriteret politike, ekonomike dhe me levën politike dhe kjo gjë është braktisur gradualisht.

Ajo thekson se BE nuk donte anëtarë të rinj pasi nuk dinte si t’i trajtonte. Tomanic thekson se nuk ka politikanë në këtë rajon që do të donin të reformonin shoqëritë e tyre dhe të ndërtonin institucione dhe të bëheshin Norvegjia apo Zvicra dhe në këtë rast mbetet të thuhet se rajoni do të jetë gati kur BE të jetë gati për t’i pranuar.

“Nëse kthehemi dhjetë vite pas ne kemi një krizë në politikën e zgjerimit. Politika e zgjerimit ishte instrumenti më i madh i butë dhe i vetmi mjet i transformimit për të cilin BE ishte krenare.

Por më pas BE u tërhoq prej këtij mjeti. Sepse politika e zgjerimit është më shumë sesa hapja e kapitujve apo riorganizimi i tyre në grup kapitujsh e kështu me radhë.

Këto politika kanë të bëjnë me kriteret politike dhe kriteret ekonomike kanë të bëjnë me levën politike.

Kjo gjë është braktisur gradualisht. Fillimisht ishte komisioneri Hahn, i cili ishte më i përqendruar në infrastrukturë dhe më pas nisi procesi i transaksionalizmit. Më pas ishte çështja e stabilitetit.

Më pas BE nuk dëshironte anëtarë të rinj sepse nuk dinte si t’i trajtonte këta anëtarë. Dhe tani të gjithë po flasin për këtë momentin e rikthyer, por mua më mungojnë dy gjëra.

Për Ballkanin Perëndimor do të duhen grupe pune për kapacitetin përthithës në nivel institucional.

Çfarë nënkupton kjo?

Gjashtë komisionerë rinj dhe kështu me radhë. Sepse çdo gjë tjetër interpretohet se ne jemi kaq të vegjël, kaq të varfër saqë nuk ka problem me kapacitetin e përthithjes.

Dhe për Ukrainën që është shpërthimi i ri gjeopolitik do të na duhet të shohim dy grupe pune. Një: çfarë ndikimi do të ketë kjo mbi buxhetin? Ukraina do të jetë mes 5 shteteve më të mëdha anëtare nëse anëtarësohet.

Dhe politikën e përbashkët bujqësore. Asgjë nga këto nuk po ndodh teksa të gjithë përpiqen të na bindin se zgjerimi është në rrugën e duhur.  

Nëse humbet kjo levë dhe nëse fillohet të luhet dhe më pas ndodhi ajo që ndodhi me Maqedoninë e Veriut dhe shtetet e tjera e shohin këtë gjë.

Çfarë kuptojmë më këtë?

Fatkeqësisht ne nuk kemi politikanë në këtë rajon që do të donin të reformonin shoqëritë e tyre dhe të ndërtonin institucione dhe të bëheshin Norvegjia apo Zvicra. Dhe kur BE të jetë gati edhe ne do të jemi gati.

Këtu do të jetë gjithmonë ajo loja e shkopit dhe karotës (kulaçit dhe kërbaçit) dhe kjo është që humbet rrugës.

Unë mendoj se ky është problemi më i madh. Dhe sigurisht që do të hyjnë edhe lojtarë të tjerë”, u shpreh Tomanic./ CNA





Lajmet e fundit nga