web counter
LEXO PA REKLAMA!

SHKARKO APP

App Store
Google Play

E fundit!

x

Tentativë për një shtet të ri?/ Republika Srpska miraton draft-kushtetutën

14 Mars 2025, 17:18, Kosova & Bota CNA

Tentativë për një shtet të ri?/ Republika Srpska miraton

Asambleja Parlamentare e Republika Srpska miratoi një draft të një kushtetute të re, e cila synon të përcaktojë entitetin serb të Bosnjë dhe Hercegovinës si shtet brenda shtetit.

Me Kushtetutën e re, liderët e Republika Srpska synojnë ta përcaktojnë këtë entitet si shtet të popullit serb, me të drejtën e vetëvendosjes dhe ushtrinë e vet. Kjo kushtetutë është në kundërshtim me Kushtetutën e Bosnjë-Hercegovinës dhe me Marrëveshjen e Dejtonit.

Që nga Marrëveshja e Paqes e Dejtonit, e cila u nënshkrua në 1995 dhe i dha fund luftës në Bosnje, vendi është i përbërë nga Federata Boshnjako-Kroate dhe Republika Srpska e dominuar nga serbët etnikë, nën një qeveri të dobët qendrore.

Edhe pse Republika Srpska mund të miratojë ligje për çështjet e brendshme, ligjet dhe institucionet e nivelit shtetëror mbeten supreme, sipas Kushtetutës së Bosnjë dhe Hercegovinës.

Drafti, i cili u miratua me 50 vota pro dhe tetë kundër në Banja Luka, tani do të kalojë në një debat publik 30 ditor, pas së cilës Komisioni Parlamentar për Çështje Kushtetuese do të hartojë një propozim që më pas do të debatohet sërish në Kuvendin Kombëtar.

Pavarësisht se Gjykata Kushtetuese e Bosnjës pezulloi zbatimin e ligjeve, Republika Srpska ka këmbëngulur që ligjet do të zbatohen.

Veprimet e liderëve të Republika Srpska janë kundërshtuar nga opozita bosnjake dhe janë dënuar nga bashkësia ndërkombëtare./CNA





Lajmet e fundit nga