web counter
LEXO PA REKLAMA!

SHKARKO APP

App Store
Google Play

E fundit!

x

Performanca e dobët e Biden në debatin presidencial/ Emrat që mund t’a zëvendësojnë përballë Trump

28 Qershor 2024, 22:34, Kosova & Bota CNA
Performanca e dobët e Biden në debatin presidencial/ Emrat që
Joe Biden, Presidenti i SHBA

Performanca katastrofike e Joe Biden në debatin e parë presidencial ka rindezur shqetësimet e demokratëve. Gjatë diskutimit, ndërsa presidenti dukej i lodhur dhe konfuz, drejtuesit e partisë shkëmbyen mesazhe, duke pyetur se çfarë të bënin në kuadër të zgjedhjeve të 5 nëntorit.

"Ai dukej i çorientuar," tha konsulenti politik David Axelrod. "Do të ketë shumë diskutime nëse do të lejohet të vazhdojë."

Nuk ka ndodhur kurrë që një kandidat të dorëzohet në këtë pikë të fushatës elektorale, ka shumë mundësi që të rezultojë një vendim i dështuar.

Por kush janë emrat që mund ta zëvendësojnë përballë Trump?

Gavin Newsom

Performanca e dobët e Biden në debatin presidencial/ Emrat që

Më i popullarizuari është guvernatori i Kalifornisë Gavin Newsom, një personazh me një profil kombëtar, edhe nëse është prekur nga disa skandale.

Newsom ishte në Atlanta dhe u përsëriti gazetarëve se partia mbetet e bashkuar me presidentin.

Gretchen Whitmer

Performanca e dobët e Biden në debatin presidencial/ Emrat që

Emri tjetër është guvernatorja e Miçiganit, Gretchen Whitmer , e njohur mbi të gjitha sepse gjatë Covid-it ajo iu kundërvu me mjeshtëri Donald Trump, i cili nxiti protestat kundër kufizimeve që ai kishte vendosur dhe më pas për tentativën e rrëmbimit të saj nga një milici, e cila përfundoi me nëntë dënime.

Kamila Harris

Performanca e dobët e Biden në debatin presidencial/ Emrat që

Një tjetër emëri i mundshëm është ai i nënpresidentes Kamala Harris, edhe pse rregullat e partisë nuk i japin asaj ndonjë avantazh nëse Biden vendos të tërhiqet. Ajo nuk do të merrte automatikisht delegatë, por presidenti mund të përpiqet të ndikojë në këtë proces duke i dhënë asaj miratimin e tij.

Më pas janë disa emra në rreshtin e dytë: guvernatori i Pensilvanisë, Josh Shapiro, ai i Illinois, J.B Pritzker dhe kongresmeni i Kalifornisë, Ro Khanna.

Michelle Obama

Performanca e dobët e Biden në debatin presidencial/ Emrat që

Në fund, është sugjerimi i përjetshëm i Michelle Obamës, i rilançuar nga shumë njerëz, por i refuzuar ,më shumë se një herë,nga vetë ish-zonja e parë, e cila pretendon se nuk ka ndërmend të kthehet në Shtëpinë e Bardhë./ CNA





Lajmet e fundit nga