web counter
LEXO PA REKLAMA!

SHKARKO APP

App Store
Google Play

E fundit!

x

Përfaqësuesja e BE-së, Kallas viziton Shkupin/ Takim me kryeministrin maqedonas për rrugëtimin integrues të vendit

23 Maj 2025, 22:25, Kosova & Bota CNA

Përfaqësuesja e BE-së, Kallas viziton Shkupin/ Takim me

Përfaqësuesja e Lartë e BE-së për Punët e Jashtme dhe Politikën e Sigurisë, Kaja Kallas vizitoi këtë të premte Maqedoninë e Veriut. Kallas përcolli mesazhin se dyert e BE-së janë të hapura për vendet e rajonit që zbatojnë reformat e nevojshme, por se nuk do të ketë rrugë të shkurtra në rrugën drejt anëtarësimit.

“Ballkani Perëndimor ka rëndësi strategjike për Bashkimin Evropian. Zgjerimi i BE-së në këtë rajon është projekti ynë më i rëndësishëm gjeopolitik dhe është gjithashtu një përparësi personale për mua”,-tha Kallas.

Kallas përmendi se Plani i Rritjes së Bashkimit Evropian për Ballkanin Perëndimor është një mundësi e madhe për integrimin gradual në tregun e vetëm të Bashkimit Evropian, i cili u sjell prosperitet njerëzve.

Kryeministri maqedonas tha se Maqedonia e Veriut dëshiron të diskutojë me Bullgarinë çështjet që bllokojnë rrugën e saj drejt BE-së gjatë samitit të NATO-s muajin e ardhshëm.

“Jemi të gatshëm të flasim, të zhvillojmë bisedime dypalëshe në nivelin e marrëdhënieve të partneritetit brenda aleancës së NATO-s”,-tha Mickoski.

Mickoski tha se ideja e një takimi dypalësh me Bullgarinë gjatë samitit në Hagë ishte diskutuar dhe rënë dakord me Kallas, por ai nuk e dinte nëse Sofja do ta pranonte ofertën./CNA





Lajmet e fundit nga