web counter
LEXO PA REKLAMA!

SHKARKO APP

App Store
Google Play

E fundit!

x

BE synon të vendosë tarifë prej 2 eurosh për të ndaluar valën e produkteve të lira kinezë

23 Maj 2025, 21:05, Kosova & Bota CNA

BE synon të vendosë tarifë prej 2 eurosh për të ndaluar

Bashkimi Evropian po përgatitet të vendosë një "tarifë trajtimi" fikse prej 2 eurosh për çdo pako me vlerë të ulët ose çdo gjë me çmim nën 150 euro që mbërrin direkt në pragun e konsumatorëve, një veprim që Brukseli thotë se synon drejtpërdrejt valën e madhe të dërgesave të lira të dërguara nga tregjet kineze.

Sipas Financial Times, komisioneri i tregtisë Maroš Šef?ovi? e paraqiti planin si pjesë të paketës më të gjerë të reformës doganore që qarkullon tani midis shteteve anëtare, duke argumentuar se autoritetet kombëtare janë të mbingarkuara nga mikro-dërgesat dhe se shitësit vendas përballen me konkurrencë të padrejtë nga shitësit që shpesh anashkalojnë rregullat e sigurisë dhe taksave.

Sipas llogaritjeve të BE-së, 4.6 miliardë pako me vlerë të ulët hynë në BE në vitin 2024, rreth 12 milionë në ditë dhe zyrtarët thonë se më shumë se 90 përqind e kanë origjinën nga Kina. Secila prej këtyre pakove aktualisht kalon nëpër doganë vetëm me një deklaratë elektronike të thjeshtuar.

Taksa prej 2 eurosh ka për qëllim të financojë inspektimet shtesë që do të kërkojnë kontrolle më rigoroze. Një normë e reduktuar prej 0.50 eurosh do të zbatohet për dërgesat që hyjnë fillimisht në një magazinë të BE-së, dhe përjashtimi prej 150 eurosh “de minimis” i diskutuar prej kohësh nga taksat doganore do të hiqet tërësisht sipas të njëjtës reformë.

Në shkurt, Komisioni Evropian publikoi një plan në të cilën njoftoi qëllimin për të futur më shumë kontrolle për sigurinë e produkteve në importe duke përdorur mjete të inteligjencës artificiale dhe aktivitete testimi për të zbuluar dhe tërhequr produktet nga tregu./CNA





Lajmet e fundit nga