web counter
LEXO PA REKLAMA!

SHKARKO APP

E fundit!

x

Pas grindjes mbi azilin e ish-kryeministres/ Brazili merr përfaqësimin diplomatik të Meksikës në Peru

25 Janar 2026, 22:10, Kosova & Bota CNA

Pas grindjes mbi azilin e ish-kryeministres/ Brazili merr përfaqësimin

Brazili do të marrë përsipër interesat diplomatike të Meksikës në Peru, njoftoi qeveria braziliane të dielën, disa muaj pasi Peruja ndërpreu marrëdhëniet me vendin e Amerikës së Veriut për shkak të dhënies së azilit për një ish-kryeministre.

Në fillim të nëntorit, Lima zyrtare ndërpreu marrëdhëniet me qeverinë meksikane pasi ish-kryeministrja peruane Betssy Chavez u pranua si refugjate në ambasadën e Meksikës në kryeqytetin peruan.

Chavez, e cila ishte kryeministre nën ish-presidentin e larguar Pedro Castillo dhe që tani ndodhet pas hekurave, përballet me akuza për komplot, të lidhura me përpjekjen e vitit 2022 për të shpërndarë Kongresin, teksa ajo i mohon këto akuza.

Ministria e Jashtme e Brazilit tha se po merr përsipër përfaqësimin me kërkesë të qeverisë meksikane dhe me miratimin e Perusë, përfshirë ruajtjen e selisë së ambasadës në Lima, rezidencën e kreut të misionit, pronat dhe arkivat e saj./CNA





Lajmet e fundit nga