web counter
LEXO PA REKLAMA!

SHKARKO APP

App Store
Google Play

E fundit!

x

Pas gjobës 120 milionë euro, "X" i Elon Musk ndalon Komisionin Europian të bëjë reklama

8 Dhjetor 2025, 14:10, Kosova & Bota CNA

Pas gjobës 120 milionë euro, "X" i Elon Musk ndalon

Platforma "X", në pronësi të Elon Musk, ka bllokuar Komisionin Europian nga përdorimi i shërbimeve të saj të reklamimit, vetëm pak ditë pasi BE vendosi një gjobë prej 120 milionë eurosh ndaj rrjetit social për shkelje të rregullave të Aktit të Shërbimeve Digjitale (DSA).

Nikita Bier, drejtues i lartë në "X", akuzoi Komisionin se kishte tentuar të përfitonte nga një shfrytëzim në sistemin e reklamave për të rritur shtrirjen e një postimi që njoftonte gjobën ndaj platformës. “Me sa duket, ju mendoni se rregullat nuk zbatohen për llogarinë tuaj. Llogaria juaj e reklamave është mbyllur,” deklaroi Bier.

Një zëdhënës i Komisionit Europian reagoi duke thënë se institucioni i përdor të gjitha platformat me mirëbesim dhe se pret që mjetet e ofruara nga vetë platformat të jenë në përputhje me rregullat dhe kushtet e tyre.

Gjobë historike për shenjën blu të “X”-it

Gjobën e vendosur të premten, Komisioni e cilësoi si të parën të këtij lloji sipas DSA-së. Rregullatori argumentoi se sistemi i shenjave blu të "X"-it ishte mashtrues, pasi kompania nuk verifikonte realisht përdoruesit, duke i ekspozuar ndaj mashtrimeve dhe imitimit.

BE akuzoi gjithashtu platformën për mungesë transparence në reklama dhe mospërmbushje të detyrimit për t’u dhënë studiuesve qasje në të dhëna të rëndësishme publike. "X" ka 60 ditë kohë për t’iu përgjigjur kërkesave, përndryshe rrezikon penalitete të reja.

Pas gjobës, Elon Musk reagoi ashpër në platformën e tij, duke shkruar se “BE duhet të shfuqizohet”, ndërsa ripostoi edhe komente që e krahasonin veprimin e rregullatorit me “fashizëm”./ CNA





Lajmet e fundit nga