web counter
LEXO PA REKLAMA!

SHKARKO APP

App Store
Google Play

E fundit!

x

Trump: Zelensky nuk është gati të nënshkruajë marrëveshjen e paqes të mbështetur nga SHBA-ja

8 Dhjetor 2025, 08:55, Kosova & Bota CNA

Trump: Zelensky nuk është gati të nënshkruajë

Presidenti amerikan, Donald Trump, ka ndarë disa komente për situatën e deritanishme të negociatave për paqen në Ukrainë.  

Trump deklaroi se presidenti ukrainas Volodymyr Zelensky nuk është gati të nënshkruajë një propozim paqeje të përgatitur nga SHBA-ja që synon t'i japë fund luftës me Rusinë.

Trump e kritikoi Zelensky-n pasi negociatorët amerikanë dhe ukrainas përfunduan tre ditë bisedimesh të shtunën që synonin të ngushtonin dallimet mbi propozimin e administratës amerikane. Por në një komunikim me gazetarët të dielën në mbrëmje, Trump sugjeroi që udhëheqësi ukrainas po pengon ecjen përpara të bisedimeve.

“Jam pak i zhgënjyer që Presidenti Zelensky nuk e ka lexuar ende propozimin, që ishte deri disa orë më parë. Populli i tij e pëlqen atë, por ai jo. Rusia, besoj, është dakord me këtë, por nuk jam i sigurt nëse Zelensky është dakord me të. Populli i tij e do. Por ai nuk është gati”,-tha Trump.

Presidenti rus Vladimir Putin nuk e ka shprehur publikisht miratimin për planin e Shtëpisë së Bardhë. Në fakt, Putin javën e kaluar kishte thënë se aspekte të propozimit të Trump ishin të pazbatueshme, edhe pse drafti origjinal favorizonte shumë Moskën./CNA





Lajmet e fundit nga