LEXO PA REKLAMA!

SHKARKO APP

Operacioni i Izraelit në Rafah, alarm humanitar për 1.3 milionë civilë

23 Prill 2024, 14:55, Kosova & Bota CNA

Operacioni i Izraelit në Rafah, alarm humanitar për 1.3 milionë

Mes përleshjeve dhe pasigurive, organizatat joqeveritare janë të shqetësuara për mundësinë e një operacioni ushtarak izraelit në shkallë të gjerë në Rafah, një qytet i vogël në Rripin jugor të Gazës, ku dhjetëra mijëra palestinezë të zhvendosur po grumbullohen.

"Ne jemi të përgatitur që duhet të dërgojmë pak a shumë ndihma në varësi të situatës, por realiteti është se ne nuk dimë se çfarë të presim," shpjegoi Bushra Khalidi i Oxfam, organizatës britanike.

Oxfam, publikoi më 3 prill së bashku me 12 OJQ të tjera një thirrje për armëpushim, duke kujtuar se 1.3 milionë civilë, mes tyre të paktën 610,000 fëmijë, janë në Rafah "në vijën e zjarrit".

Nga ana e tij, kryeministri izraelit Benjamin Netanyahu nuk ndalet së përsërituri: operacioni i ushtrisë në Rafah do të ndodhë.

Izraeli thotë se po shqyrton plane të ndryshme për të larguar civilët, kryesisht duke iu referuar "ishujve humanitar".

Ministri izraelit i Mbrojtjes Yoav Gallad tregoi se ai po konsideronte "një sërë masash në përgatitje për operacionet në Rafah, kryesisht në lidhje me largimin e civilëve".

OJQ-të e kontaktuara nga AFP u përgjigjën se nuk ishin informuar për këto masa dhe ushtria izraelite nuk u përgjigj në lidhje me komunikimin e saj me organizatat humanitare.

Ministria e Mbrojtjes ka mbledhur tashmë 30,000 tenda, një e treta e të cilave do të vendosen në dy javët e ardhshme pranë Rafahut, sipas burimeve në shtypin izraelit, pa u ditur se në cilën anë të kufirit: në Rripin e Gazës apo në Egjipt. 

"Nuk e kam idenë se çfarë do të thotë ky plan," komentoi drejtori i Zyrës së OKB-së për Çështjet Humanitare (Ocha) Andrea de Domenico./ CNA

Lajmet e fundit nga