web counter
LEXO PA REKLAMA!

SHKARKO APP

App Store
Google Play

E fundit!

x

Nëna e Alexei Navalny-t nën presion, autoritetet ruse i tregojnë trupin por i vendosin kusht

23 Shkurt 2024, 09:25, Kosova & Bota CNA
Nëna e Alexei Navalny-t nën presion, autoritetet ruse i tregojnë
Lyudmila Navalny

Nëna e Alexei Navalny-t ka thënë se i është treguar trupi i tij, por autoritetet ruse po i bëjnë presion asaj që të lejojë një varrim "të fshehtë".

Lyudmila Navalny është shprehur nëpërmjet një videojeje se ajo ishte në një morg ku nënshkroi një certifikatë vdekjeje për djalin e saj. 

Sekretari i shtypit i ish-liderit të opozitës tha se një raport mjekësor i paraqitur zonjës Navalnaya thoshte se ai vdiq nga shkaqe natyrore.

Ndërkohë e veja e Navalny-t ka thënë se ai u vra nga autoritetet ruse.

Lyudmila Navalnaya tha se ligji kërkonte që zyrtarët të dorëzonin trupin e djalit të saj, por se ajo po shantazhohej pasi ata refuzuan ta bënin këtë. 

“Duke më parë në sy, më thanë se nëse nuk jam dakord për një varrim të fshehtë, do të bëjnë diçka me trupin e djalit tim. Koha nuk është në anën tuaj, kufoma po dekompozohet”, tregoi ajo.

Të enjten Presidenti i SHBA-së, Joe Biden, takoi të venë e z. Navalny, Yulia, dhe vajzën e tij, Dasha Navalnaya, në San Francisko.

“Presidenti shprehu admirimin e tij për guximin e jashtëzakonshëm të Alexei Navalny-t dhe trashëgiminë e tij në luftën kundër korrupsionit dhe për një Rusi të lirë dhe demokratike”, tha Shtëpia e Bardhë në një deklaratë, duke shtuar se SHBA po përgatitet të lëshojë sanksione të reja ndaj Rusisë./CNA 





Lajmet e fundit nga