LEXO PA REKLAMA!

SHKARKO APP

Zjarr në një apartament në Spanjë/ Të paktën katër viktima

23 Shkurt 2024, 08:20, Kosova & Bota CNA

Zjarr në një apartament në Spanjë/ Të paktën

Një zjarr masiv u ka marë jetën të paktën katër personave në një bllok banimi në qytetin spanjoll të Valencias, thonë shërbimet e urgjencës.

Zjarri përfshiu një apartament në një godinë 14-katëshe në lagjen Campanar dhe u përhap edhe në ndërtesën ngjitur.

Zjarrfikësit evakuuan qytetarët nga ballkonet, ndërsa 19 banorë besohet se janë ende të zhdukur.

Të paktën 14 persona, përfshirë gjashtë zjarrfikës dhe një fëmijë të vogël, janë plagosur.

Erërat e forta kanë përhapur me shpejtësi flakët, por ka edhe dyshime se materiali me të cilën ishte veshur ndërtesa ka favorizuar flakët.

Zjarr në një apartament në Spanjë/ Të paktën

Më shumë se 20 ekipe zjarrfikëse u angazhuan në shuarjen e flakëve. Ndërtesa përmban 138 banesa, ku strehohen 450 banorë.

Mediat lokale thanë se zjarrfikësit kishin shpëtuar disa banorë, duke përfshirë një çift që jetonte në katin e shtatë.

Një grua tha për "TVE" se kishte parë zjarrfikës duke u përpjekur të shpëtonin një djalë adoleshent të bllokuar në katin e parë të ndërtesës. Ende nuk dihet shkaku i zjarrit, ndërsa po hetohet mbi materialet e përdorura në ndërtimin e godinës./ CNA

Lajmet e fundit nga