LEXO PA REKLAMA!

SHKARKO APP

Mungesë vaksinash kolere deri në 2025, zonat më problematike

22 Maj 2023, 14:25, Kosova & Bota CNA

Mungesë vaksinash kolere deri në 2025, zonat më problematike

Aleanca globale e vaksinave Gavi njoftoi të hënën se do të ketë furnizime të pamjaftueshme të vaksinave të kolerës deri në vitin 2025, pasi sëmundja vazhdon të përhapet në mbarë botën.

Kjo deklaratë erdhi pasi Organizata Botërore e Shëndetësisë (OBSH) paralajmëroi për perspektivat afatshkurtra për kontrollin e sëmundjeve "të zymta".

Numri i njerëzve të infektuar dhe viktimave nga kolera u rrit vitin e kaluar pasi sëmundja u përhap në rajone të reja, veçanërisht në zonat e konfliktit dhe vendet ku varfëria është e theksuar.

Si përgjigje, OBSH dhe partnerët e saj kaluan përkohësisht në përdorimin e një doze në vend të dy dozave standarde, raportoi Reuters.

Aleanca Gavi, e cila fokusohet në vaksinimet e fëmijërisë, tha në një raport se aktualisht ka doza të mjaftueshme për t'iu përgjigjur urgjencave, por jo të mjaftueshme për përdorim parandalues.

Kolera përhapet përmes ushqimit ose ujit të kontaminuar dhe ndërsa në shumicën e rasteve shkakton simptoma të lehta ose aspak. Në raste të rënda kolera mund të shkaktojë diarre akute dhe të vrasë një person në vetëm disa orë nëse nuk jepet kujdes urgjent.

Aleanca Gavi shtoi se 48 milionë vaksina janë përdorur në dy vitet e mëparshme, dhjetë milionë më shumë se në të gjithë dekadën e mëparshme.

 

 

 

 

 

Lajmet e fundit nga